Ruwxiyliq tiykarlarin woqitiw metodikasi kk

 
Ruwxiyliq tiykarlari pa`nin oqitiw sabag`inin` jobasin du`ziw
Ruwxiyliq tiykarlari pa`nin oqitiw sabag`inin` jobasi yaki teskti oqitiwshig`a oqiwshilar 
menen orinlanatug`in jumis tu`rinin` uliwma bag`dari ha`m izbe-izligi u`lgilerin ko`rsetip turadi.
Oqitiwshi sabaq o`tiwde du`zgen joba yaki konspektinen erkin paydalanadi, geyde du`zgen 
jobasinan shetke shig`iw za`ru`rligi tuwiladi. Misali, oqiwshilar oqitiwshinin` bayanin jaman 
tu`singen bolsa, qosimsha tu`sindiriw o`tkiziledi, oqiwshilar qiynalip atirg`an bolsa za`ru`r 
ja`rdem korsetiledi. Bilimlerdi bekkemlew ushin bilimlerdi oqiwshilar qalay tu`singenligin biliw 
ushin soraw, tapsirmalardi orinlawin tekserip ko`riw mu`mkin. 
Ruwxiyliq tiykarlari sabag`in analizlew 
Ruwxiyliq tiykarlari sabagin analizlew ha`m bahalaw birinshi na`wbette onin` ta`lim-
ta`rbiyaliq a`hmiyetin ko`rsetedi. Sonin` ushin sabaqtin` qanday da`rejede du`zilgenligin ha`m 
o`tilgenligin, ha`zirgi zaman psixologiyaliq-pedagogikaliq talaplar da`rejesinde qanday 
orinlang`anligin ha`m tiykarg`i didaktikaliq printsiplerdi qalay qollang`anlig`in ko`rsetiw kerek. 
Sabaq analizinde onin` mazmuni, sistemasi, waqittin` bo`listiriliwi,jumisti orinlaw usillari, 
qollanilg`an ko`rgizbeli ha`m basqa didaktikaliq qurallari ko`rsetiliwi za`ru`r. Sabaqtin` ha`r bir 
ta`repi oqiwshilar iskerliginin` qanday bag`darlang`anlig`i, onnan qanday orinlarda belsendilik 
ha`m o`z betinshelik buzilg`anlig`in, tolqinlaniw bolg`anlig`in, basqa ta`rbiyaliq ta`repler 
a`melge asirilg`anlig`in itibarg`a aliw kerek. Sabaqtin` analizi to`mendegi bag`darlarda aship 
beriliwi mu`mkin: 
Sabaqtin` tiykarg`i didaktikaliq maqsetin tu`sindiriw ha`m tiykarlaw. Bunda tema boyinsha 
sabaqlar sistemasinda analizlengen sabaqtin` orni ha`m a`hmiyeti,basqa sabaqlar menen 
baylanislilig`i, sabaqtin` mazmunin bahalaw ha`m duris tu`sindiriwi,onin` du`zilisi, jumistin` 
metod ha`m usillari ko`rsetiledi. 
Sabaqtin` mazmunin analizlewde temag`a baylanisli tu`siniklerge beriletug`in metodikaliq 
bahada to`mendegilerdi itibarg`a aliw za`ru`r: 
a) berilgen bilimlerdin` ilimiyligi ha`m jetkilikli da`rejede qatan`lig`i.
b) u`yreniletug`in materiallardin` puxtalig`i ha`m tu`siniliw da`rejesi,jumis protsessinde 
oqiwshilardin` jetkilikli da`rejede tapsirma menen ta`miynlengenligi.
v) sabaq materialinin` ta`lim-ta`rbiyaliq maqsetke tiyisliligi.
g) oqiw materiali mazmunin sabaqtin` barliq bo`limlerinin` ta`miynlewi da`rejesi.

---

47 
Oqiwshilar iskerligin do`retiwshilikke bag`darlaw. Sabaqta neshe okiwshi belsendi 
qatnasqanlig`i ha`m o`z betinshe iskerlik ko`rsetkenligi, og`an qanday jol menen erisiliw 
za`ru`rligin aniqlaw:
a) oqiw materiallarin, sonday-aq jumis metodin ha`m usillarin tan`law, oqiwshilardin` jasi, 
olardag`i bilim, ko`nlikpe ha`m eplilikler da`rejesin esapqa aliw;
b) oqiwshilardin` individul ha`m ja`ma`a`t bolip orinlag`an jumislarin esapqa aliw;
v) oqitiwda differentsial jantasiw;
g) jan`a tu`sinik, metodlardin` jan`a usillar menen tanistiriliwi, bilim ha`m ko`nlikpelerdi 
islep shig`iwda o`tilgen materiallardi bekkemlewge bag`darlang`an jumislar itibarg`a alinadi.
g) sabaqtin` ha`r bir bo`limine waqittin` bo`listiriliwi.
Sabaqta qollanilg`an ko`rgizbeli ha`m didaktikaliq qurallardin` a`hmiyetin ko`rsetiw.
Sabaq na`tiyjesin reyting bahalaw. Bahalawdin` a`hmiyetli belgilerinin` biri sonda, 
sabaqtin` o`z maqsetine eriskenligi, ha`r bir oqiwshig`a tolig`i menen o`z betinshe jumis 
orinlatilg`anligi, olardin` barlig`inin` oqitiwshi basshiliginda a`melge asivrilig`anlig`i 
ko`rsetiledi. Sabaqti analizlewde sol na`rseni itibarg`a aliw za`ru`r, oqiwshilardi oqitiw ha`m 
ta`rbiyalawdin` pedagogikaliq protsessleri bir maqsetke qaratilg`an bolsa, sabaq duris 
bahalanadi.