Сайловчилар блоки нима?
Ж: Saylovchilar bloki (ittifoqi) – davlat boshlig‘i, markaziy va mahalliy hokimiyat organlariga saylovlarda birgalikda nomzod ko‘rsatish to‘g‘risida bir necha siyosiy partiyalar bitimi.
Виза тушунчасига таъриф беринг?
Ж: Viza (lotincha visus – o‘tkazilgan, ko‘zdan kechirilgan) – pasportda davlatning uning hududiga kelishga, ketishga, yashab turishga yoki u orqali o‘tishga maxsus ruxsatnomasini bildiruvchi belgi.
Ўзбекистон Республикасининг пул тизими ҳақида нималарни биласиз?
Ж: O‘zbekiston Respublikasining pul tizimi rasmiy pul birligini, pul muomalasi tashkil etilishi va tartibga solinishini o‘z ichiga oladi. 1994-yil 1-iyuldan boshlab O‘zbekiston Respublikasi rasmiy pul birligi – so‘m muomalaga kiritilgan. 1994-yil 15-oktabrdan e’tiboran respublika hududida barcha to‘lovlar va hisob-kitoblar faqat milliy valutada – so‘mda amalga oshiriladi.
So‘m – O‘zbekiston Respublikasi Markaziy banki chiqaradigan qog‘oz banknotlar va metall tangalar. O‘zbekiston Respublikasida so‘m yagona pul vositasi sanaladi.
Лицензия сўзи қандай маънони англатади?
Ж: Litsenziya (lotin) — ozodlik, huquq, ruxsat berish. Masalan, ixtiro uchun beriladigan texnik hujjat, savdo-sotiq bilan shug‘ullanish uchun beriladigan ruxsatnoma.
Жиноят процессуал ҳуқуқидаги қидирув тушунчасига таъриф беринг.
Ж: Qidiruv — tergov, surishtiruv organi va ichki ishlar organlari tomonidan yashirinib yurgan aybdorni, jazodan qochgan mahbusni, bedarak yoqolgan shaxsni topishga qaratilgan tadbirlar majmuasi.
Юридик жавобгарлик нима?
Ж: Yuridik (huquqiy) javobgarlik — jazoga tortish, yuridik majburiyatlarni buzgan shaxs, aybdorga nisbatan qonunda ko‘zda tutilgan sanksiyalarni qo‘llash.
Do'stlaringiz bilan baham: |
