Молия тизими деганда нимани тушунасиз?
Ж: Moliya (fransuzcha «finance» – naqd, daromad) – keng ma’noda: pul mablag‘lari, davlat pul mablag‘larining aylanishi.
Мoliya tizimi – dаvlаt vа xo‘jаlik yurituvchi subyеktlаr pul mаblаg‘lаri jаmg‘аrmаlаrini tаshkil etish, tаqsimlаsh vа ulаrdаn foydаlаnish shаkllаri vа mеtodlаri tizimidir.
Қачон сўм пул бирлиги муомалага киритилди?
Ж: O‘zbekiston Respublikasining pul tizimi rasmiy pul birligini, pul muomalasi tashkil etilishi va tartibga solinishini o‘z ichiga oladi. 1994-yil 1-iyuldan boshlab O‘zbekiston Respublikasi rasmiy pul birligi – so‘m muomalaga kiritilgan. 1994-yil 15-oktabrdan e’tiboran respublika hududida barcha to‘lovlar va hisob-kitoblar faqat milliy valutada – so‘mda amalga oshiriladi.
So‘m – O‘zbekiston Respublikasi Markaziy banki chiqaradigan qog‘oz banknotlar va metall tangalar. O‘zbekiston Respublikasida so‘m yagona pul vositasi sanaladi.
Банк сўзига таъриф беринг?
Ж: Bank – asosiy ish faoliyati pul mablag‘larini jalb etish va joylashtirish hamda hisob-kitoblarni amalga oshirish bo‘lgan moliya tashkiloti. Iqtisodiy nuqtayi nazardan banklar pul bozorida bo‘sh turganlar bilan qo‘shimcha resurslarga ehtiyoji bo‘lganlar o‘rtasida vositachi sifatida ish yuritadi.
Марказий банк қандай сиёсатни ишлаб чиқади ва юритади?
Ж: O‘zbekiston Respublikasining «Markaziy bank to‘g‘risida»gi Qonuniga muvofiq Markaziy bank milliy valuta barqarorligini muhofaza qilish va ta’minlashga yo‘naltirilgan yagona pul-kredit siyosatini ishlab chiqadi va yuritadi.
Ўзбекистон Республикасида нақд пулларни муомалага чиқариш ва муомаладан олиб қўйишнинг мутлақ ҳуқуқи кимга тегишли?
Ж: O‘zbekiston Respublikasida naqd pullarni muomalaga chiqarish va muomaladan olib qo‘yishning mutlaq huquqi O‘zbekiston Respublikasi Markaziy bankiga taalluqlidir. Banknotlarning qalbakilashtirilishi va qonunga xilof yasalishi qonun tomonidan ta’qib etiladi.
Do'stlaringiz bilan baham: |
