Солиқ кодекси қандай муносабатларни тартибга солади?
Ж: Soliqlarni belgilash, yuritish va to‘lash bilan bog‘liq barcha munosabatlar O‘zbekiston Respublikasining Soliq kodeksi bilan boshqariladi. Mazkur Kodeksga muvofiq soliq tizimi O‘zbekiston Respublikasining barcha hududida soliq to‘lovchilar uchun yagona sanaladi. O‘zbekiston Respublikasi Soliq kodeksining 5-moddasiga muvofiq, soliq qonunchiligi soliq to‘lashning majburiylik, soliqqa tortishning adolatlilik, soliq qonunchiligining oshkoralik va soliq to‘lovchining haqligi prezumpsiyasi prinsiplariga asoslanadi.
Солиқлар йиғимисиз мамлакат мавжуд бўладими?
Ж: Soliqlar yig‘imisiz mamlakat mavjud bo‘la olmaydi. Chunki davlat ta’lim berish, mamlakat chegaralarini qo‘riqlash va davlat ichkarisida tartib saqlash, davlat organlarining ishini muvofiqlashtirish kabi vazifalarni o‘z zimmasiga olgan. Soliq yig‘imi bo‘lmasa, faoliyati moddiy ishlab chiqarish bilan bog‘liq bo‘lmagan barcha shaxslarga mehnat haqini to‘lash imkoniyati ham bo‘lmaydi.
Конституцияга мувофиқ республикамизда ўз фикрини билдириш эркинлиги чекланганми?
Ж: Har kim fikrlash, so‘z va e’tiqod erkinligi huquqiga ega. Har kim o‘zi istagan axborotni izlash, olish va uni tarqatish huquqiga ega, amaldagi konstitutsiyaviy tuzumga qarshi qaratilgan axborot va qonun bilan belgilangan boshqa cheklashlar bundan mustasnodir.
Fikr yuritish va uni ifodalash erkinligi faqat davlat siri va boshqa sirlarga taalluqli bo‘lgan taqdirdagina qonun bilan cheklanishi mumkin. (O‘zbekiston Respublikasining Konstitutsiyasi, 29-modda.)
Митинг деганда нима тушунилади?
Ж: Miting – bu ma’lum bir shaхslar va tashkilotlarning xatti-harakatlari, ijtimoiy-siyosiy voqеalarga nisbatan munosabatini oshkora ifodalash maqsadidagi fuqarolarning tinch yig‘ini.
Do'stlaringiz bilan baham: |
