Ҳокимият органлари митинг, йиғин ва намойишлар ўтказишни тақиқлашга ҳаққи борми?
Ж: Fuqarolar o‘z ijtimoiy faolliklarini O‘zbekiston Respublikasi qonunlariga muvofiq mitinglar, yig‘ilishlar va namoyishlar shaklida amalga oshirish huquqiga egadirlar. Hokimiyat organlari faqat xavfsizlik nuqtayi nazaridangina bunday tadbirlar o‘tkazilishini to‘xtatish yoki taqiqlash huquqiga ega. (O‘zbekiston Respublikasining Konstitutsiyasi, 33-modda.)
Ота-она вояга етмаган болаларнинг мол-мулкига эгалик қилиш ҳуқуқига эгами?
Ж: Ota-ona hayotligida bolalar ularning mol-mulkiga nisbatan mulkdor bo‘lish huquqiga ega emas. Shuningdek, ota-ona ham voyaga yetmagan bolalarning mol-mulkiga ega lik qilish huquqiga ega emas. Voyaga yetmagan bola o‘z ota-onasidan yoki boshqa insonlardan qonun doirasida ta’minot olishga haqli. Bunda bolaga tegishli har qanday mablag‘, xoh u pensiya bo‘lsin, xoh boshqa turdagi nafaqa bo‘lsin, uning ota yoki onasi tomonidan uning ta’minoti, ta’ lim-tarbiya olishi uchungina sarfl anishi kerak bo‘ladi. Qolaversa, ota-ona va bolalarning alohida-alohida mulki bo‘lishi ham mumkin. Birga yashab turganda ular bir-birlarining roziligi bilan bunday mulkka egalik qilishlari va ulardan foydalanishlari mumkin.
Вояга етмаган болаларнинг хусусий мулки нималар ҳисобланади?
Ж: Voyaga yetmagan bolalar qonunda belgilangan tartibda hadya, meros tariqasida olgan mol-mulki, shuningdek, shaxsiy mehnati va tadbirkorlik faoliyati natijasida orttirgan mol-mulki ularning xususiy mulki hisoblanadi.
Ўзбекистон Республикаси вояга етмаганларни меҳнатга жалб қилишни тартибга солиш ва болалар меҳнатидан фойдаланишни чеклаш бўйича қандай халқаро ҳуқуқий ҳужжатларга қўшилган?
Ж: O‘zbekiston Respublikasi voyaga yetmaganlarni mehnatga jalb qilishni tartibga solish va bolalar mehnatidan foydalanishni cheklash bo‘yicha ko‘pgina xalqaro huquqiy hujjatlarga qo‘shilgan O‘zbekiston Respublikasi, jumladan, 2008- yil 4- apreldagi O‘RQ – 140- son Qonun bilan “Ishga qabul qilish uchun eng kichik yosh to‘g‘risida”gi Konvensiyani (Jeneva, 1973- yil, 26- iyun), 2008- yil 8- apreldagi O‘RQ – 144- son Qonuni bilan esa, “Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risida”gi Konvensiyani (Jeneva, 1999- yil, 17-iyun) ratifikatsiya qilgan.
Do'stlaringiz bilan baham: |
