Сайфиев ж. Ф. С++ тилига кириш услубий қўлланма

for оператори.

while оператори ёрдамида циклларни ташкил этишда 3 та зарурий амаллар: цикл ўзгарувчисига бошланғич қиймат бериш, ҳар бир итерацияда циклни давом этиш шарти бажарилишини текшириш ва цикл ўзгарувчиси қийматини ўзгартиришни бажаришимиз керак.
7.8. – листинг. while операторининг ишлатилишига яна бир мисол.
 include < iostream. h>
int main()
{
int counter=0;
while (counter <5)
{
counter++ ;
cout << “Looping!”
}
cout << “\n Counter:” << Counter << “\n”;
return 0;
}
НАТИЖА:
Looping! Looping! Looping! Looping! Looping!
Counter: 5


for оператори циклни ишлаши учун зарур бўладиган учта операцияни ўзида бирлаштиради. Бу операцияларни қисқача қуйидагича характерлаш мумкин: бошланғич қийматни ўзлаштириш, шартни текшириш, цикл счётчигини қийматини ошириш. for оператори ифодасидаги қавснинг ичида шу уччала операцияни амалга оширувчи ифодалар ёзилади. Қавс ичидаги ифодалар нуқтали вергул орқали ажратилади.
for циклининг биринчи ифодаси цикл счётчигига бошланғич қийматни ўзлаштиради. Счётчик – тўғридан–тўғри for циклида эълон қилинадиган ва қиймат ўзлаштириладиган бутун сонли ўзгарувчидир. С++ да бу ўринда счётчикка қиймат берадиган ихтиёрий ифода ёзилишига имкон берилган. for циклининг иккинчи параметрида циклни давом этиш шарти аниқланади. Бу шарт while конструкциясининг шарти бажарадиган вазифани амалга оширади. Учинчи параметрда эса цикл счётчиги қийматини ўзгартирувчи (оширувчи ёки камайтирувчи) ифода ёзилади. for циклидан фойдаланишга мисол 7.9. – листингда келтирилган.
7.9. – листинг. for циклининг қўлланилишига мисол.
include< iostream. h>
int main()
{
int counter;
for (counter=0 ; counter<5; counter++ )
cout<< “Looping!”;
cout<< “\n Counter:” << counter<< “.\n”;
return 0;
}

311. 
     

НАТИЖА:
Looping! Looping! Looping! Looping! Looping!
Counter: 5