Samarqand davlat universiteti b. Sh. Safarov kadrlar konsaltingi

Uchinchi yondashuv tarafdorlari personal bilan ishlash shakllari 
va usullariga, ya’ni personal ishining tashkil etilishi, ularni 
motivatsiyalash, jamoadagi ijtimoiy-ruhiy muhitga qarab personal 
ishining samaradorligi konsepsiyasini taklif qiladi. Ushbu holatda 
personal tarkibi, malaka darajasi, kadrlarning qо‘nimsizligi, intizom, 
ish vaqti fondidan foydalanish, personalni ish bilan band qilishning bir 
maromdaligi, bir ishlovchiga xarajatlar, ijtimoiy rivojlanish rejasining 
bajarilishi, 
jamoadagi 
ijtimoiy-ruhiy 
muhit 
kabilar 
mezoniy 
kо‘rsatkichlar hisoblanadi. Mazkur yondashuv yuqoridagi ikkita 
yondashuvdan jonli mehnatga nisbatan yanada kо‘proq tabaqalanish 
bilan farq qiladi, ya’ni ijrochilarning shaxsiy xususiyatlarini va 
ularning guruhlarda bir-biriga mos kelishini hisobga oladi. 
Birinchi konsepsiyada korxonaning umumiy resurslari – moddiy, 
moliyaviy va mehnat; ikkinchi konsepsiyada kо‘proq mehnat; 
uchinchi konsepsiyada esa yakka tartibdagi mehnat resurslari 
darajasigacha tabaqalangan mehnat resurslari boshqaruv obyekti 
hisoblanadi. 
Personalni boshqarish tizimlari aniqlangan turlarining xilma-
xilligi nuqtai nazaridan ular samaradorligini baholashga nisbatan 
yagona yondashuv barcha tizimlar uchun umumiy bо‘lgan 
parametrlarning mavjudligini nazarda tutishi lozim. Bunday umumiy 
parametr – tashkilot va personalni boshqarish tizimi maqsadlarining 
mos kelishi, chunki personalni boshqarish tizimi – bu korxonani 
boshqarish tizimining ichidagi qismi. Uning samaradorligi tashkilot 
faoliyatining yakuniy natijasi bilan belgilanadi. Ishlab chiqariladigan 
mahsulot (xizmatlar), tashkilotning о‘zi va undagi ish nuqtai 
nazaridan raqobatbardosh bо‘lgan tashkilot personalini boshqarish 
tizimini samarali tizim deb tan olish lozim. 
Inson resurslarini tahlil qilish – bu inson resurslari haqidagi 
axborotni aniqlash, о‘lchash va tashkilotda qarorlar qabul qiluvchi 
shaxslarga taqdim etish jarayoni. 
Diagnostika natijalari kadrlarni joy-joyiga qо‘yishni optima-
llashtirish, 
ijtimoiy-ruhiy 
muhitni, 
bо‘ysunish 
iyerarxiyasini, 
boshqaruv uslubini yaxshilash tadbirlarini rejalashtirish va xodimlarni 
motivatsiyalash, bо‘linmalar ichidagi va bо‘linmalararo о‘zaro 
hamkorlikni optimallashtirish uchun asos bо‘lib xizmat qilishi 
mumkin. 

---

50