Sanaat geografiyasi pa’ninin’ obekti ha’m predmeti joba

Sorawlar ha’m tapsirmalar

1. 
   Janılg’ı resurslarının’ o’zgesheliklerin anıqlan’.
   
2. 
   Ne ushın janılg’ı ximiya sanaatının’ shiyki zatı dep ataladı.
   
3. 
   Ko’mirdi gazge aylandırıw usılların anıqlan’
   
4. 
   Respublikamızda qaysı ko’mir ka’ninde karer (ashıq) shaxte (jabıq) usılda ko’mir qazıp alıw rawajlang’an.
   

ELEKTROENERGETIKA SANAATI

Reje:

1. 
   Elektroenergetikanın’ quramı ha’m onın’ a’hmiyeti.
   
2. 
   Elektr energiyasin jetkizip beriw.
   

3. Jıllılıq elektr stantsiyaları haqqında tu’sinik.
4. Gidroelektr stantsiyalar h’a’m olardın’ tipleri
5. Atom elektr stantsiyaları haqqında tu’sinik.

Tiykarg’ı tu’sinikler. generator, kondensatsiyalı u’skene, gaz h’a’m puw turbinası. qazan tsexı, transformator, gidrouzel, shlyuz, reaktor, regulyator.

Elektroenergetikanın’ quramı ha’m onın’ a’hmiyeti. Elektroenergetika saanatı xalıq-xojalıq tarawlarının’ materiallıq texnikalıq bazasın qurıwda a’hmiyetli orin tutip, rawajlanıw tempi boyınsha joqarı da’rejege iye.
Ha’zirgi waqıtta dunya boyınsha jılına ortasha 12 trln. kvt|saat elektr energiyası o’ndiriledi. Bul ko’rsetkish 1913-jıl menen salıstırg’anda 1000 ese joqari esaplanadi.
Elektroenergetika sanaatı basqa saanat tarawları ishinde a’hmiyetli orındı iyelep, bunın’ u’lesine o’ndiristin’ tiykarg’ı fondlarinın’ 15,9%-i, barlıq saanat tarawında isleytug’ın miynet resurslarının’ 2,0% in tutadı. Elektroenergiyanı paydalanıw ha’zirgi waqıtta xojalıqtın’ tu’rli tarmaqlarında jılıw ko’zi retinde, suwındırıw maqsetinde ken’nen qollanıladı.
Tek jaqtılandırıw ushın dunya ju’zi boyınsha o’ndirilgen elektr energiyanın’ 20%-i, u’y xojalıq jumısları ushın 25% ke jaqını sarıp etiledi. Energiyanın’ ko’pshilik bo’limi temir jol liniyaların elektrlestiriwde, qala transportında (trolleybus, tramvaylarda) ko’p jumsaladı. Elektr energiyası awıl-xojalıq jumısların mexanizatsiyalaw procesinde de ken’nen paydalanıladı.
Biraq elektroenergiyanı en’ ko’p talap etetug’ın taraw sanaat esaplanadı. Sanaatta elektr energiyasın tek elektromotor, stonoklarda paydalanıp g’ana qoymastan, al sol karxananın’ ishki texnologiyalıq procesinde ken’nen talap etiledi. Solay etip elektr energiyasisız hesh bir sanaat tarawı normal islewi mumkin emes, elektr energiyasın ha’zirgi rawajlang’an sanaattın’ ju’regi dep ataydı. Elektr energiyasın paydalanıwdın’ qolaylı ta’repi energiyanin’ bir tu’rinen ekinshi tu’rine ha’m qayta qa’lpine keliw mu’mkinshiligine iye.