Савол-жавоб indd

46. Ёш оила деб қандай оилага айтилади?
Ёш оила – эр-хотиннинг иккиси ҳам ўттиз ёшдан 
ошмаган оила ёхуд фарзанд (бола) тарбиялаб вояга 
етказаётган ўттиз ёшдан ошмаган ёлғиз отадан ёки 
ёлғиз онадан иборат бўлган оила, шу жумладан, ни-
коҳдан ажралган, бева эркак (бева аёл). Ушбу тушунча 
«Ёшларга оид давлат сиёсати тўғрисида»ги Ўзбекистон 
Республикасининг қонунида кўрсатилган.
47. Ёш мутахассис кимлар?
Ёш мутахассис – олий ёки ўрта махсус, касб-ҳунар 
таълими муассасасини битирган, таълим муассасасини 
битирганидан сўнг олган ихтисослиги бўйича уч йил 
ичида ишга кирган ва маълумоти тўғрисидаги ҳужжатда 
кўрсатилган ихтисослиги бўйича ишлаётганига уч йил-
дан кўп бўлмаган ўттиз ёшдан ошмаган ходим. Ушбу 
тушунча «Ёшларга оид давлат сиёсати тўғрисида»ги 
Ўзбекистон Республикасининг қонунида кўрсатилган.

---

33
48. Ёшлар тадбиркорлиги.
Ёшлар тадбиркорлиги – юридик шахс ташкил этма-
ган ҳолда ёш фуқаролар томонидан, шунингдек, таъсис-
чилари ёш фуқаролар бўлган юридик шахслар томони-
дан амалга ошириладиган тадбиркорлик фаолияти. Ушбу 
тушунча «Ёшларга оид давлат сиёсати тўғрисида»ги Ўз-
бекистон Республикасининг қонунида кўрсатилган.
49. Жадидчилик қандай ҳаракат?
Жадидчилик – (араб. янги) XIX аср охири XX аср-
нинг биринчи чорагида янги замонавий мактаб, матбаа 
ва тараққиётнинг илғор усул ва йўлларини ёқлаб чиқ- 
қан ижтимоий-маърифий ҳаракат. Жадидчиликни шакл- 
лантиришда кўплаб миллат зиёлилари фаол қатнаш- 
ган. Жамиятни ўрта асрчилик иллатлари, қолоқлик ва 
мустамлака зулмидан, хурофотдан озод қилиш, халқни 
замонавий тараққиёт йўлига олиб чиқиш, миллий дав-
латчилик асосларини бунёд этиш жадидчилик ҳарака-
тининг асосий мақсади эди. Туркистондаги жадидчилик 
ҳаракатига Беҳбудий, Мунавварқори, Фитрат, Чўлпон, 
Паҳлавон Ниёз Ҳожи, Абдулла Авлоний, Ҳамза Ҳаким-
зода, Абдулла Қодирий, « Ёш бухороликлар», «Ёш хива-
ликлар» ташкилоти раҳбарлари бошчилик қилишган. Бу 
ҳаракат ўзининг мазмун-моҳиятига кўра, XIX аср бош- 
ларида мавжуд бўлган диний ислоҳотчиликдан фарқ қи-
лади. Огаҳий, Нодира, Аҳмад Дониш, Турди, Махмур, 
Фурқат, Муқимий каби ижодкорлар мансуб бўлган ав-
лоднинг қарашлари асосан маърифатпарварлик тамойи-
лига таянар эди. Жадидлар эса нафақат маърифат, балки 
жамият ҳаётининг барча соҳаларини ислоҳ қилиш, мав-
жуд тартибларни ўзгартириш йўлидан борди.