Sh. Ziyamuxamedova, G. Gulyamova yuristning yozma nutqi

Nazorat uchun mashqlar
1-mashq. Quyidagi ko‘chirma gaplardagi tinish belgilarini qo‘yib 
chiqing. 
O bolam dedi kampir jiyanim ishga yaramaydi. 2. Voy 
Xayriniso opa kelin qildingizmi dedi Tojixon. 3. Kampir yerga 
qaradi va sekin Abdumajid keldi dedi. 4. Ana xolos dedi Ortiqjon 
to‘lmas ekan-da. 5. Hadyaxon Imtihonlarni topshirib bo‘ldim 
dedi. 5. Xo‘sh shundan keyin nima bo‘ldi dedi Asqar ota (A.Q.). 
6. Uzoq jimlikdan so‘ng Roziya men ketaman dedi (P.Q.). 7. Qani 

---

40
tez bo‘l darsga kech qolasan dedilar oyim. 8. Zap kelibsan-da 
oshna dedi Abdukarim o‘zgarmabsan (S.A.).
Abdulla Qahhorning «O‘g‘ri» hikoyasidan olingan quyidagi 
dialogni o‘zlashtirma gaplarga aylantirib yozing.
– Ha, sigir yo‘qoldimi?
– Yo‘q... sigir emas... ho‘kiz... ola ho‘kiz edi...
– Ho‘kizmi?... Ho‘kiz ekan-da. Hmm... Ola ho‘kiz? Tavba.
– Bor-yo‘g‘im bitta ho‘kiz edi...
Amin kuldi.
– Yo‘qolmasdan ilgari bormidi? Qanaqa ho‘kiz edi?
– Ola ho‘kiz...
– Yaxshi ho‘kizmidi? Yo yomon ho‘kizmidi?
– Qo‘sh mahali...
– Yaxshi ho‘kiz birov yetaklasa keta beradimi?
– Bisotimda hech narsa yo‘q...
– O‘zi qaytib kelmasmikan?... Birov olib ketsa, qaytib kela 
ber, deb qo‘yilmagan ekan-da. Nega yig‘lanadi, a? Yig‘lanmasin.
Qobil bobo yerga qarab tek qoldi.
– Qidirtirsakmikan-a? – dedi amin, suyunchisi nima bo‘ladi? 
Suyunchidan chashna olib kelinmadimi?...
– Kam bo‘lmang, – dedi u pulni uzatib, – yana xizmatingizdaman.
– Men beto‘xtov pristavga xabar qilaman. O‘zi chaqirtiradi.
Bir hafta o‘tdi... Sakkizinchi kuni Qobl bobo yana aminning 
oldiga bordi. Aminning tepa sochi tikka bo‘ldi.
– Ha, ho‘kizni uylariga eltib berilsinmi?! Axir borilsin. Arz 
qilinsin-da! Fuqaroning arzga borishi arbobning izzati bo‘ladi!