Shavkat Mirziyoyev

Mikroelementlarning transporti.

Mikroelementlarning transporti qon zardobida kechadi, u yerda ular albumin, alfa va beta 2 globulin va lipoprotein tarkibida bo‘ladi. Mikroelementlarning oqsil bilan bog‘lanishi birinchi navbatda jigarda bo‘ladi. Qon yordamida mikroelementlar barcha organ va to‘qimalarga tarqaladi. Gemoensafalitik, gematotestikulyar, gistogematik, baryerlarni yengib ba‘zilari sitoplazmada to‘planadi. Ulardan ko‘pi organizmda juda kam miqdorda bo‘ladi. Lekin ular odam sog‘ligiga va organizm rivojlanish holatiga ta‘sir qiladi. Bo‘y o‘sishi, rivojlanish va organizmning sog‘ bo‘lishi organizmdagi mineral moddalarga bog‘liq. Mineral moddalarni qon hosil bo‘lishida, suyakning shakllanishida, oshqozon ichaklardagi so‘rilish jarayonlarida nerv hujayralarining o‘tkazuvchanligi, to‘qimalarning nafas olishi va boshqa jarayonlarda ishtirok etadi. Bundan tashqari, organizmga nojo‘ya ta‘sir qilishi mumkin bo‘lgan mikroelementlar mavjud bo‘lib, bu mineral moddalar organizmda to‘planib intoksikatsiya yuzaga keladi. Organizmda rtutni, mishyak, kadmiy, nikelning yig‘ilishi holsizlikka, ishtahaning yo‘qolishiga, serjahllikka, teri rangining o‘zgarishiga, soch va tirnoqlarning sinishiga, xotiraning pasayishiga, ko‘rish o‘tkirligining pasayishiga sabab bo‘ladi.