«ШЎртаннефтгаз» ушк

9.2 Ускуна ва коммуникацияларни таъмирга тайёрлаш ва уни ўтказиш

Барча ускуналар ва коммуникациялар, «Саноатконтехназорат» Давлат инспекцияси йўриқномаларининг талаблари ва режали-огоҳлантирув таъмирлаш графигига асосан кўрикдан ўтказиш ва таъмирлашга қўйилади.

Амалга оширилган таъмирлаш тавсифи аппарат паспортида қайд этилади. Аппарат ёки сиғим-идишнинг ички таъмирини амалга ошириш учун қуйидагиларни бажариш зарур:
- газхавфли ишларни олиб бориш режасига, газхавфли ишларни амалга оширишга наряд-рухсатномага эга бўлиш;
- аппаратни маҳсулотдан бўшатиш;
- маҳсулотларни қабул қиладиган ва чиқадиган қувурўтказгичларида беркитувчи мосламаларни зичлаб ёпиш;
- босимни аппаратдан машъалага ёки атмосферага чиқариб юбориш;
- шартли диаметр ва босим, рақамлар қўйилган чиқувчи «думчалар» ларга эга бўлиши шарт бўлган заглушкаларни ўрнатиш йўли билан барча қувурўтказгичлардан аппаратни изоляция қилиш, заглушкалар қалинлиги тегишли босимга ҳисоб-китоб қилиш билан текширилган бўлиши шарт. Ўрнатилган заглушкалар сони ва уларнинг жойлашган жойи заглушкаларни ўрнатиш китобида қайд қилинган бўлиши шарт;
- аралашма қолдиғини аппаратдан буғ билан дам бериш йўли орқали чиқариб юбориш, бунда буғўтказгичнинг метал қисми ерга туташтирилган бўлиши шарт;
- аралашма қолдиғини насосдан сиқиқ ҳаво билан дам бериш йўли орқали чиқариб юбориш;
- йўриқномага асосан, юқори люкдан бошлаб аппаратни очиш.
Аппарат совугандан ва шамоллатилгандан сўнг, маҳсулот йўқлигига таҳлил олиниши зарур. Қониқарли таҳлил олинганда, аппаратдаги барча ишлар, аппарат ичкарисида ишларни амалга оширишга расмийлаштирилган наряд-рухсатнома мавжуд бўлганда олиб борилиши мумкин. Ички таъмирлашларда, 12 В кучланишдаги портлашданхавфсиз ёриткичлардан фойдаланиш зарур. Оловли ишларни амалга ошириш зарур бўлган ҳолларда, уларни ўтказишга наряд-рухсатнома расмийлаштирилиши зарур. Оловли ишлар жойи ичкарида ҳам, ташқарида ҳам зарурий ўт-ўчириш воситалари билан жиҳозланган бўлиши шарт. Аппаратлар арматураси ижро этувчининг шахси кўрсатилган ҳолда, дефект ведомостига асосан таъмирланади.