«ШЎртаннефтгаз» ушк

9.4 Электр ускунани таъмирга тайёрлаш ва уни ўтказиш, таъмирдан ускунани қабул қилиш ва ишга тушириш

Электр қурилмаларга хизмат кўрсатиш, уларда тезкор уланишларни олиб бориш, таъмирлаш, монтаж ва созлаш ишларини ва синовларни ташкил этиш ва бажариш «Истеъмолчилар электр қурилмаларини техник ишлатилиши қоидалари ва истеъмолчилар электр қурилмаларини ишлатишда хавфсизлик техникаси Қоидалари» (ПТЭ ва ПТБ, Москва, Энергоатомиздат, 1986й) га мувофиқ махсус тайёрланган электротехник ходимлар томонидан амалга оширилади.

Қурилмада электротехник ходимлар томонидан юқорида кўрсатилган Қоидаларни бажарилиши бўйича жавобгарлик, БИ-2 мажмуаси раҳбарияти томонидан ўрнатилган тартибда тасдиқланган қўлланмалар ва лавозим йўриқномалари билан белгиланади.
Электр қурилмаларни таъмирлашни олиб бориш, тегишли ишларни бажариш рухсатномасига эга бўлган электрик-мутахасислар томонидан амалга оширилади.
Хоналарда ўрнатилган электр қурилмаларни таъмирлашдан олдин, ҳаво муҳитининг назорат таҳлилини бажариш ва хонада углеводород ва водород сулфидларнинг портлашхавфли концентрациялари йўқлигига ишонч ҳосил қилиш зарур. Оқиб келувчи ва тортиб олувчи вентиляция тизимининг ишлаши текширилади.


9.5 Мўътадил ишлатиш ва таъмирлашдаги газхавфли вазиятларнинг Рўйхати

№ т/б	Хавфли ишлар номи ва жойи	Хавфлилик тавсифи	Хавфли-лик гуру-ҳи	Хавфни огоҳлантириш бўйича тадбирлар
1	2	3	4	5
1	20Е-3 нураткчичида эҳтиёт-сақловчи клапанларни алмаштириш.	Қувурўтказгичларда водород сулфидли газ қолдиғи.	1	Блокировкалаш мосламаси задвижкаси ёрдамида қувурўтказгичдан эҳтиёт сақловчи клапанани ажратиш. Ажратувчи арматураларнинг ёпиқлиги текширилади, уларга «Очилмасин. Одамлар ишламоқда» ёзуви осиб қўйилади. Манометр бўйича босим йўқлигига ва ҳавоолгич очиқлигига ишонч ҳосил қилинади. Газхавфли ишлар ҳудуди байроқчалар билан чегараланади ва кузатувчилар қўйилади. Ҳаво муҳити таҳлили амалга оширилади.
2	Олтингугурттозалаш қу-рилмасига узатиладиган тозаланмаган газнинг, во-дород сулфидли (нор-дон) газнинг газўтказ-гичларида ва тўйинган ДЭА аралашмасининг қувурўтказгичларида заглушкаларни ўрнатиш (ечиш).	водород сулфидли газнинг, водород сулфиди билан аралашган тўйинган ДЭА аралашмаси қолдиғи.	1	Ажратувчи задвижкалар билан газўтказгич ажратиб қўйилади, газ бўйича босим нулгача ташланади, ДЭА аралашмаси ва газли конденсат оқизиб юборилади.
3	Машъалага газ ташлаш газўтказгичларида заглушкаларни ўрнатиш (ечиш)	водород сулфидли газ қолдиғи.	1	Машъалага ташлаш тўхтатилади. Хавфни огоҳлантириш бўйича тадбирлар 1.б га қаранг.
4	Ишлаб чиқариш канализацияларининг қудуқларини тозалаш ва таъмирлаш.	Углеводородлар, водород сулфиди	1	Қудуқларга оқоваларни ташлаш тўхтатилади, тиқинлар билан улар умумуий тармоқдан ажратилади, суюқлик ҳайдалади. Ишни такрорловчи ва кузатувчи билан бирга шлангли противогазларда ишлар амалга оширилади. Ёритиш учун, 12 В дан юқори бўлмаган кучланишдаги портлашдан-хавфсиз ёриткичдан фойдаланилади. Даврий равишда ҳаво муҳити таҳлили амалга оширилади
1	2	3	4	5
5	Газ босими ва маҳсу-лотлардан бўшатилган аппаратлар ва идиш-ларни тозалаш, таъмир-лаш ва ички кўриги	Углеводородлар водород сулфиди	1	Аппарат ишлашдан тўхтатилади. Босим машъалага нулгача ташланади, суюқлик оқизиб юборилади. Заглушкалар ўрнатилади. Буғланади, инерт газида дам берилади, шамоллатилади. Шлангли противогазда камида 3–кишилик гуруҳда ишланади. Ёритиш учун, 12 В дан юқори бўлмаган кучланишдаги портлашхавфсиз ёриткичдан фойдаланилади. Ҳар хил қаватларда ишлаганда улар орасида тўшамларга эга бўлиши керак. Даврий равишда ҳаво муҳити таҳлили амалга оширилади.
6	Ташқи технологик ускуналар, насослар, қуврўтказгичларнинг барча таъмирлаш ишлари.	Углеводородлар, водород сулфиди.	2	Электродвигателлар токдан узилади. Босим машъалага ташланади, суюқлик оқизиб юборилади, заглушкалар ўрнатилади. камида 3–кишилик гуруҳда ишланади. Ҳаво муҳити таҳлили амалга оширилади.
7	Авариялар ёки аварияли вазиятлар келиб чиққан-да, технологик ускуналар (блоклар, бўлимлар) нинг газ ва қувурўтказгичлари-нинг техник ускуналари.	Водород сулфидли газ, газли конденсат	3	Тасдиқланган эҳтимол тутилган аварияларни тугатиш Режаси (ЭТАТР) га мувофиқ ва аварияларни тугатилишига жавобгар бўлган шахс раҳбарлиги остида ишлар бажарилади.

Изоҳ:
1 – ишлар наряд-рухсатнома тузган ҳолда бажарилади;

2 – ишлар газхавфли ишлар китобида қайд қилинган ҳолда бажарилади;
3 – аварияли вазиятлар келтириб чиқарган ишлар ЭТАТР га асосан бажарилади.