Синие и оранжевые волны

Qadimgi o’zbek tilida lak (yuz ming), tuman (o’n ming) sonlari ham bo’lgan.

Sonning ma’no turlari

Sonlar ma’no va grammatik jihatdan dastlab 2 guruhga bo’linadi:

• Miqdor son;
• Tartib son.

Miqdor son

Mikdor son shaxs, narsa-buyumlarning qanday miqdorini ifodalashiga ko’ra quyidagi turlarga bo’linadi:

• sanoq sonlar;
• dona son;
• chama son;
• jamlovchi son;
• taqdim son;
• kasr son.

Sanoq sonlar

Sanoq sonlar bir turdagi narsa-buyumlarning umumiy sonini, miqdorini bildiradi: besh kun, ellik uch yosh.

Sanoq sonlar jumlasiga kiradigan bir so’zi sanoq bildirishdan tashqari quyidagi ma’nolarni ham ifodalaydi:

• Noaniqlik (bunda u qandaydir olmoshiga sinonim bo’ladi): Eshikni bir kishi taqillatyapti.
• Kuchaytirish (bunda u juda so’ziga sinonim bo’ladi): Bir yugurdim, bir yugurdim.
• Ketma-ketlik (bunda u dam, goh bog’lovchilariga sinonim bo’ladi): Bir menga, bir unga qaraydi.
• Chegaralash (bunda u faqat yuklamasiga sinonim bo’ladi): Hamma keldi, bir Asqar kelmadi.
• Tenglik (bunda u teng so’ziga sinonim bo’ladi): Qonun oldida hamma bir.