Soliq tekshiruvlarini oʻtkazish va natijalarini koʻrib chiqish, tadbirkorlik subyektlarini ixtiyoriy tugatish va ularning faoliyatini toʻxtatish

2. Sayyor soliq tekshiruvi boʻyicha: 
2.1. Sayyor soliq tekshiruvi oʻtkazish toʻgʻrisidagi buyruqlarni qabul qilish 
va rasmiylashtirish talablariga rioya etilganligi, shu jumladan tuman (shahar) 
davlat soliq inspeksiyalarining buyruqlari loyihalari 2022-yil 1-avgustdan tuman 
(shahar) Yuridik xizmat koʻrsatish markazlaridan huquqiy ekspertizadan 
oʻtkazilgan holda qabul qilinganligi; 
2.2. Tekshirishlar oʻtkazilishi toʻgʻrisida Tadbirkorlarning huquqlarini 
himoya qilish boʻyicha vakil belgilangan tartibda xabardor qilinganligini, bunda 
2022-yil 1-noyabrdan boshlab tekshirishlar “Yagona davlat nazorati” axborot 
tizimida roʻyxatga olinganligi; 
2.3. Tekshirish oʻtkazish toʻgʻrisidagi buyruqda koʻrsatilgan va bevosita 
tekshirish oʻtkazgan soliq organi xodimida tadbirkorlik subyektlari faoliyatini 
tekshirish huquqini beruvchi maxsus guvohnoma mavjudligi; 
2.4. Soliq organi masʼul xodimlari tomonidan tekshiruv boshlanishidan oldin 
tadbirkorlik subyekti rahbari (rahbar vazifasini bajaruvchi shaxs)ga tekshiruvni 
oʻtkazishga asos boʻlgan hujjatlar (tekshiruv oʻtkazish kelishilganligi yoki 
vakolatli organ tekshiruv haqida xabardor etilganligini tasdiqlovchi hujjat nusxasi, 
nazorat qiluvchi organning tekshiruv oʻtkazish toʻgʻrisidagi buyrugʻi va tekshiruv 
dasturi) nusxalarini tilxat olgan holda taqdim qilinganligi, shuningdek, tilxatda 
tadbirkorlik subyekti rahbariga (rahbar vazifasini bajaruvchi shaxsga) uning 
soʻroviga koʻra Savdo-sanoat palatasining vakillari, soliq maslahatchilari, tarjimon 
va (yoki) advokatlarni jalb qilish huquqi mavjudligi tushuntirilganligi toʻgʻrisidagi 
maʼlumotlar kiritilganligi; 
2.5. Soliq organining masʼul xodimlari tomonidan tadbirkorlik subyekti 
tomonidan taqdim etilgan Tekshiruvlarni roʻyxatga olish kitobi qonunchilikda 
belgilangan tartibda toʻldirilganligi; 
2.6. Sayyor soliq tekshiruvi oʻtkazish muddatlariga rioya etilganligi (Soliq 
kodeksining 139, 141-142-moddlari); 

---

3 
2.7. Xronometraj koʻzdan kechirishni oʻtkazish tartib-qoidalariga rioya 
etilganligi; 
2.8. Sayyor soliq tekshiruvi va soliq auditi jarayonida hujjatlar va (yoki) 
buyumlarni olib qoʻyish tartib-qoidalariga rioya etilganligi (Nizomning 108-114-
bandlari hamda Soliq kodeksining 148-moddasi); 
2.9. Sayyor 
soliq 
tekshiruvi 
natijalarini 
rasmiylashtirish
tartib-qoidalariga rioya etilganligi (Nizomning 115-119-bandlari); 
2.10. Sayyor soliq tekshiruvi materiallarini koʻrib chiqish tartibiga rioya 
etilganligi (Soliq kodeksining 158-moddasi); 
2.11. Sayyor soliq tekshiruvi materiallarini koʻrib chiqish natijalari boʻyicha 
qaror qabul qilish tartib-qoidalariga rioya etilganligi (Soliq kodeksining 
 
159-moddasi); 
2.12. Oʻtkazilgan tekshiruv natijalari boʻyicha tuzilgan dalolatnoma, qayd 
etilgan qonunbuzilish holatlari va tekshiruv oʻtkazish haqida tadbirkorlik subyekti 
xabardor etilganligini tasdiqlovchi hujjatlar (pochta kvitansiyasi va elektron 
axborot tizimlarining maʼlumotlari) tekshiruv yakunlangandan soʻng hamda 
tadbirkorlik subyektiga nisbatan qoʻllanilgan taʼsir choralari toʻgʻrisidagi 
maʼlumotlar (yozma koʻrsatma, maʼmuriy huquqbuzarlik toʻgʻrisidagi bayonnoma, 
jarimalarni qoʻllash toʻgʻrisida qarorlar va sud qarorlari) mazkur choralar 
qoʻllanilgandan soʻng soliq organlari tomonidan Axborot tizimiga belgilangan 
muddatlarda kiritilganligi.