Sovitish tizimi Dvigatelning ish sikli davomida gazlarning

Sovitish tarmog'i nosozliklarining tashqi belgisi - bu dvigatelning qizishi.
Dvigatel qizishining sabablari quyidagicha:
- tarmoqdagi sovitish suyuq- ligining kamligi;
- tasma tarangligining kamayishi,
- tasmaning sirpanishi yoki ventilyator uzatmasidagi tasmaning uzilishi;
-radiator o'zagining ifloslanishi,
- dvigatel silindri va kallagining ifloslanishi,
- termostatning asosiy klapani to‘liq ochilmasligi
- radiator trubkalari ichki devorlarida tuzlarnirg yig'ilishi
- dvigatel suyuqlik ko‘ylagi devorlari ichida tuzlarning yig‘ilib qolishi.
Har smenadan keyin radiatordagi suyuqlik sathini tekshirish kerak. Sovitish tizimiga dvigatelni sovitmasdan sovuq suvni quyish mumkin emas, chunki karter-bloki va silindrlar kallagi yorilib ketishi mumkin.
Xuddi shunday sababga ko'ra qish paytida issiq suvni sovuq dvigatelga quyish mumkin emas.
Sovitish tizimidan suyuqlikning tashqariga oqish-oqmasligini doimo tekshirib turish zarur. Suv nasosi salnigidan suyuqlik oqib chiqsa salnikni darhol almashtirish kerak.
Tasmaning tarangligi dvigatel ishlamayotgan holatda rostlanadi. Tasma qatlamlarga ajralmagan holatda to‘liq butun bo'lishi kerak. Tasma moylangan bo‘lsa, lattani benzin bilan yengil ho‘llab artib tozalanadi. Suyuqlik bilan ishlaydigan sovitish tarmog‘ini kalsiy kukuni qo‘shilgan qorishma bilan yuvib turish kerak.
Ko‘p sezonli suyuqlikning zichligini davriy ravishda tekshirib turish lozim. Zarur holatlarda distillangan suv qo‘shish bilan me’yoriy holatga keltiriladi.