Strategiyalíq menedjment 5230200-Menedjment (tarmaqlar hám tarawlar boyınsha) bakalavr talim bagdarı studentleri ushın oqíw qollanba

Uqsas emes tarmaqlarǵa diversiyalaw strategiyası 
Diversiyalaw haqqındaǵı qarardıń nátiyjesi dáramatlı kompaniyalardı izlew 
hám satıp alıwǵa alıp keledi. Uqsas emes diversiyalawning tiykarǵı qaǵıydası 
sonnan ibarat, onda mápke iye bolatuǵın finanslıq shártlerde, satıp alıwı múmkin 
bolǵan hám payda alıw ushın jaqsı perspektivaǵa iye bolǵan hár qanday 
kompaniyanı diversiyalawdan ibarat. Bazıda, uqsas emes tarmaqta diversiyanı 
ámelge asırıp atırǵan kompaniyalar óziniń ayırıqsha statusı esabınan tez finanslıq 

---

90 
payda alıw ushın imkaniyatların usınatuǵın kompaniyalardı izlep tabıwǵa óz 
kúshlerin jóneltiredi. Bunday kárxanalardıń úsh túri bar. 
1) 
Bahası arzanlaǵan kompaniya. Bunday jaǵdayda bul kárxanalardı 
bazar bahalarınan arzan bolǵan bahalarda satıp alıw imkaniyatı bar. Bul bolsa 
sońǵılıǵında kompaniyanı salıstırmalı joqarı bahada satıw imkiyatın beredi. 
2) 
Finanslıq qıyınshılıqlardı basınan keship atırǵan kompaniyalar. 
Bunday firmalar shártnama bahalarında satıp alınıwları múmkin. 
3) 
Ósiw imkaniyatları úlken bolıp, investiciya imkaniyatları bolmaǵan 
kompaniyalar. 
Uqsas emes tarmaqlarǵa diversiyalaw tómendegi kóz qarastan tartımlı: 
1. Kommerciyalıq táwekelshiligi sanaatıń kóplegen hár qıylı tarmaqları 
boyınsha «shashılǵan» bolıp, bul kompaniyanıń qandayda bir tarawında payda 
bolıwı múmkin bolǵan mashqalalar sheńberinde bolıw dárejesin azaytadı. 
2. 
Kompaniyanıń finanslıq resursları rentabellik kóz qarasınan 
perspektivaǵa iye boǵan tarmaqlarına investiciya etiliwi múmkin. 
3. 
Kompaniyanıń ishki payda norması sezilerli dárejede turaqlasadı, 
sebebi bir tarmaqtaǵı qıyınshılıq dáwirleri basqıshı esabınan kompensaciya qılınıwı 
múmkin. 
4. 
Korporativ basqarıw apparatı jeterli bahalanbaǵan kompaniyalardıń 
haqıyqıy qunın anıqlaw tájriybesi artıp barǵan sayın, korporaciyanıń finanslıq 
awhalı jaqsılanıp, akciyalardıń dáramatlılıǵı artıp baradı.