|
Spermatozoidlarning tuzilishi. Sut yemizuvchilar spermatozoidlari juda murakkab tuzilgan bo’lib, uning bosh, bo’yin, tana va uzun dum qismlari bor.
Spermatozoidlar mikroskopik kattalikda bo’ladi va uni qurollanmagan ko’z bilan ko’rib bo’lmaydi. Uy hayvonlari spermatozoidlarning umumiy uzunligi 55 dan 70 µ (myu) gacha bo’ladi. Buqa spermatozoidlari bosh qismining uzunligi 8 µ ga, bo’yin - 1, tanasi - 10, dumi - 50, dumining oxirgi qismi - 3 µ ga teng bo’ladi. Uy hayvonlari spermatozoidlarning bosh qismi qoshiqsimon bo’lib, 1-2 µ qalinlikka ega. Uning o’rta va orqa qismida xujayra yadrosi joylashgan bo’ladi. Bosh qismining old tomonida qobig’i bo’ladi.
Ko’pincha bir yeyakulyatning o’zida spermatozoidlarning katta-kichikligi turlicha bo’lishi aniqlangan. Spermatozoidlarning kattaligi urg’ochi hayvon tuxum hujayrasi diametridan qariyib 2 marta kichik bo’ladi (ularning diametri o’rtacha 120-130 µ ga teng bo’ladi). 1 sm3 hajmda 20 mlrd spermatozoidlar bo’lishi mumkin.
Do'stlaringiz bilan baham: |
