Qisqacha uslubiy ko’rsatma. Dars kafedra laboratoriyasida, 10-12 kishilik guruhlar bilan olib boriladi. Dars boshlanishida o’qituvchi yembrionning asosiy rivojlanish bosqichlari, uni o’rab turgan pardalarni plakat va chizmalar yordamida tushuntirib beradi, keyin talabalar darslik, chizma va muzey preparatlaridan foydalangan holda mustaqil o’rganadilar. Dars oxirida o’qituvchi savollarga javob beradi va unga yakun yasaydi.
Mashg’ulotning borishi: Yembrion va homila yoshini aniqlash. Klinik va veterinariya sudlov amaliyotida ayrim paytlarda yembrion va homila yoshini aniqlashga to’g’ri keladi. Yembrion va homilaning yoshi, uning uzunligi, og’irligi va teri qismining ayrim joylarida tuklarning bor-yo’qligi bilan belgilanadi. Bu ma’lumotlar hayvonning bo’g’ozlik davrida uning zoti, asrash va ishlatilish sharoitiga ko’ra o’zgarib boradi.
Bo’g’oz hayvonlar sifatli yem-xashak bilan oziqlantirilmaganda, tug’ilgan buzoqlarning tana vazni 20 kg dan oshmaydi (gipotrofik). Ko’pincha ular hayotining birinchi kunlarida halok bo’ladi. Bo’g’oz hayvonlar o’ta to’yimli yem-xashaklar bilan oziqlantirilganda va ular uchun faol masion bo’lmaganida, tug’ilgan buzoqlar yirik bo’ladi, tana vazni 60 kg dan katta, hatto 70 kg gacha yetadi.
Do'stlaringiz bilan baham: |
