Sun’iy urug’lantirishda ishlatiladigan eritmalar, filtrlovchi qog’OZ, tamponlar va salfetkalarni tayyorlash. Reja

Ayg’irlar spermasini suyultirish uchun muhitlar. Biyalarni urug’lantirish uchun yangi suyultirilgan sperma bilan bir qatorda, suyultirilgan holda +2-5°S haroratda 48 soatgacha saqlangan sperma ham ishlatiladi.
Ayg’irlar spermasini suyultirish uchun muhitlar tarkibi. 8-jadval.

Tarkibi	Tuxum sarig’i - glyukozali	Tuxum sarig’i - laktozali	Tuxum sarig’i - sutli
Distillangan suv, ml	100	100	-
Sut, ml	-	-	100
Laktoza, g	-	11	-
Glyukoza, g	7	-	-
Tuxum sarig’i, ml	0,8	0,8	20
Spermosan-3, ming TB	30	30	30

Spermani suyultirish texnikasi. Spermatozoidlar muhit sharoitlarining o’zgarishiga nihoyatda sezgir bo’lib, ularni «harorat shoki»dan saqlash maqsadida muhit hamda spermaning harorati bir xil bo’lishi kerak. Shu maqsadda muhit solingan idish suv hammomida, 30-35°S gacha isitiladi. Shu bilan bir vaqtda olingan sperma suyultirilgunga qadar asta-sekin suyultirgichning harorati darajasigacha sovitiladi. Suyultirgich spermaga oz-ozdan qo’shilib, sekin aralashtiriladi. Suyultirilgandan so’ng spermaning faolligi albatta mikroskop ostida tekshriladi. Spermatozoidlarning haranatchanligi keskin pasaygan taqdirda suyultirilgan sperma ishlatishga yaroqsiz hisoblanadi va suyultirgich qaytadan tayyorlanadi. Sperma suyultirilgandan keyin spermatozoidlarning harakatchanligi ma’lum darajada susaysada 10-15 daqiqadan keyin qayta tiklanadi.

Spermani suyultirish ishlari BUV-30, BUV-60 kabi bakterisid lampalar yordamida sterillangan kamera yoki laboratoriyada bajariladi. Xona harorati +20-25°S bo’lishi lozim. To’ldirilgan flakonlar tezda oq rezina tiqinlar bilan yopiladi va ularga yorliqlar yopishtiriladi. Ampulalar kavsharlanib, markirovka qilinadi.