Suv resurslarini boshqarish

V-BOB XAVZA MIQYOSIDA SUV RESURSLARIDAN FOYDALANISH 
Mintaqada barcha daryolar, ayniqcha Amudaryo va Sirdaryoda suvlarining sifati 
yomonlashishi kuzatildi. Yuqori oqimlarida suv mineralizatsiyasi 0.5-0.7 g/l, va quyi 
oqimlarida 1.0-1.5 g/l va dalalarda tuz miqdorini oshishiga olib keldi, bu o„z navbatida 
dalalardan sho„r yuvishga sarflanadigan sug„orish ishlariga qo„shimcha suv talab 
qiladi. 
O„zbekistonning umumiy 4.2 mln.ga sug„oriladigan maydonidan 75%i ya‟ni 3.2 
mln.ga drenaj tizimini qurishni talab etadi, undan 2.8 mln.ga yerda gektarida 
kollektor-drenaj tizimi qurilgan, shu jumladan 580 ming gektarda – yopiq gorizontal 
drenaj va 413 ming gektarida – vertikal drenaj mavjud. 
400 ming gektardan ortiq maydonda drenaj qurilish zarur. Drenaj tizimi mavjud 
136.7 ming ga maydonning 29 ming km maydonida magistral va xo„jaliklararo 
kollektorlar, 107.7 ming km maydonda yopiq gorizontal drenaj qurilgan (sh.j.- 39.2 
ming km yopiq gorizontal drenaj). 
 
 
5.1 Suv resurslarini boshqarishning gidrologik, iqtisodiy, sotsial va siyosiy
jihatlari
Respublikada suv resurslarini boshqarish, taqsimlash, nazorat qilish va undan 
foydalanish quyidagi me‟yoriy xujjatlar asosida amalga oshiriladi: O„zbekiston 
Respublikasi Konstitutsiyasi (8 dekabr 1992 y.), O„zbekiston Respublikasining “Suv 
va suvdan foydalanish” xuquqi (6 may 1993 yil, va 2009 yildagi qo„shimcha 
o„zgartirishlari bilan), Vazirlar Mahkamasining 1993 yil 3- avgustdagi № 385 sonli 
“Suvdan limit asosida foydalanish” to„g„risidagi qarori, Vazirlar Mahkamasining 1992 
yil 7 apreldagi № 174 sonli “O„zbekiston respublikasidagi suv omborlari va boshqa 
suv havzalari, daryolar, magistral kanallar va kollektorlarning, shuningdek, ichimlik 
suv va maishiy suv ta‟minotining, davolash va madaniy-sog„lomlashtirishda 
ishlatiladigan suv manbalarining suvlarini muhofaza qilish zonalari haqidagi Nizomni 
tasdiqlash to„g„risida”gi qarori, O„zbekiston Respublikasi Vazirlar Mahkamasining 

---

2013 yil 19 martdagi “O„zbekiston Respublikasida suvdan foydalanish va suv 
iste‟moli tartibi to„g„risidagi Nizomni tasdiqlash haqida”gi 82-sonli qarori, 
O„zbekiston Respublikasi Vazirlar Mahkamasining 2013 yil 14 iyunda “Suvdan 
maxsus foydalanish yoki suvni maxsus iste‟mol qilish uchun ruxsatnoma berish tartibi 
to„g„risidagi Nizomni tasdiqlash haqida”gi 171-sonli qarori, O„zbekiston Respublikasi 
Vazirlar Mahkamasining 2013 yil 21 iyundagi 176-sonli “Tomchilatib sug„orish 
tizimini va suvni tejaydigan boshqa sug„orish texnologiyalarini joriy etish va 
moliyalashtirishni samarali tashkil etish chora-tadbirlari to„g„risida” gi qarori va 
boshqalar. 
Xususiy fermer xo„jaliklarini suv resurslari bilan ta‟minlanishini yaxshilash 
uchun nasos stansiyalarini, gidrotexnik inshootlarini, suv omborlarini, irrigatsiya va 
drenaj tizimlarini ta‟mirlashda bosqichma-bosqich amalga oshirilishiga qaratilgan 
qarorlar ishlab chiqilgan.