Suw o’mir tirishiligi

3.2. Asi’gis psixologiyaliq ja’rdem texnikasi
E.J.da insanda to’mendegi simptomlar payda boliwi mu’mkin:
- Alahsiraw
-gallyutsinatsiya
- Apatiya
- Ha’reket qozg’aliwshan’lig’i
- stupor
- Agressiya
- Qorqiw
- Isterika
- Nerv qaltirawi
- Jilaw.
Usi jag’daylarda psixolog ja’rdemi birinshi na’wbette nerv “razryadka”si ushin sha’rayat jaratiwdan ibarat.
Alahsiraw ha’m gallyutsinatsiya. Krizisli jag’day insanda ku’shli stresske, ku’shli nerv zorig’iwina, organizmde ten’ salmaqliqtin’ buziliwina, tekg’ana fizikaliq emes, ba’lki psixikaliq salamatlig’ina da ta’sir etedi. Bul bar psixikaliq kesellikti ku’sheytiriwi mu’mkin.
Alahsirawdin’ tiykarg’i belgisine jaraqatlaniwshini nadurislig’ina isendirip bolmaytug’in jalg’an tu’sinikler yamasa juwmaq shig’ariwlar kiredi.
Gallyutsinatsiyada bolsa sol gezde seziw organlarina ta’sir etpey atirg’an qiyaliy obiektler bar ekenligi sezimin bastan keshiriw gu’zetiledi. (dawislar esitiw, joq adamlardi ko’riw, iyis seziw....)
Bunday halatta:
1.Asig’isli psixologiyaliq ja’rdemdi ku’tiw, meditsina xizmetkerlerine mu’ra’jat etin’.
2. Taraw xizmetkerleri kelgenge shekem ja’birleniwshi o’zine, a’tiraptag’ilarg’a ziyan jetkermesligin baqlap turin’. Ondag’i qa’wip tuwdiriwshi predmetlerdi alip qoyin’.
3.Ja’birleniwshini izolyatsiyalan ha’m bir o’zin qaldirman’.
4.Ja’birleniwshi menen tinish dawista so’ylesin’. Onin’ ga’pin maqullan’, isendiriwge urinban’.
Apatiya uzaq zorig’iwdan, na’tiyjesiz isten ju’zege keledi; yamasa a’wmetsizlikten, o’z xizmet mazmunin ko’re aliw toqtag’aninan yamasa apatqa ushirag’an jaqin adamlarin qutqarip qala almay nabit bolg’aninan ju’zege shig’adi.
Sharshaw sezimi payda boladi, ha’reket qilg’isi da so’ylegisi de kelmeydi. Ha’reket ha’m so’z ju’da’ qiyinshiliq penen a’melge asiriladi. Kewilinde bosliq, biyparwaliq, sezimin ko’rsetiwge ku’sh joqlig’i gu’zetiledi. Eger insan bul halatinda ja’rdemsiz qaldirilsa apatiya depressiyag’a (qiyinshiliqli awir emotsiya, xulqindag’i passivlik, ayipkerlik sezimi, turmistag’i qiyinshiliq aldinda ilajsizliq) o’tip ketedi.
Apatiya bir neshe saattan bir neshe ha’ptege shekem soziliwi mu’mkin.
Tiykarg’i belgileri:
- a’tiraptag’ilarg’a biyparwa mu‘na’sebet;
- tormozlaniw
- a’ste uzaq pauzali so’z.
Usi jag’dayda:
1.ja’birleniwshi menen so’ylesip ko’rin’. Og’an birneshe sorawlar berip ko’rin’ (“atin’ kim?” “o’zin’di qanday sezip atirsan’?” “bir na’rse jeysen’be?”)
2. Ja’birleniwshini dem aliw ornina gu’zetip qoyin’, qolay jaylasiwina ja’rdem berin’ (ayaq kiyimin a’lbette sheshin’).
3.Ja’birleniwshinin’ qolin uslan’ yamasa o’z qolin’izdi man’layina qoyin’
4. Ja’birleniwshige uyqlap aliw ya’ki dem aliw imka’nin berin’.
5. Dem aliwg’a imkan bolmasa jaraqatlaniwshi menen ko’birek so’ylesin. Onin’ qa’legen birgeliktegi xizmetine tartin’ (aylaniw, shay yamasa kofe ishiwge bariw, a’tiraptag’ilarg’a, ja’rdemge mu’ta’jlarg’a ja’rdem berin’).
Ha’reket qozg’aliwshan’lig’i. Ayirim jag’daylarda krizisli jag’daylar ta’sirinen adam a’trapinda ne bolip atirg’anin tu’siniwden toqtaydi. Ol dushpan qay jerde, qutqariwshilar qay jerde, qa’wip qay jerde ekenin aniqlay almay qaladi. Insan logikaliq pikirlew ha’m qarar qabil etiw qa’biletin jog’altadi, qa’peske tu’sken haywang’a uqsap qaladi.
Tiykarg’i belgileri:
- keskin ha’reketler, ko’binese mazmunsiz;
- normal bolmag’an ba’lent so’z yamasa joqari so’zlik iskerlik
- ko’binese a’tiraptag’ilarg’a rektsiyanin’ jog’aliwi ( iltimas, buyriq, xabarlandiriw).
Bul jag’dayda

1. 
   “Qolg’a aliw” usilin qollan’: ja’birleniwshini arqasinan turip, qolinin’ astinan qolin’izdi kiritin’ o’zin’izge oni basin’ ha’m u’stin’izge jen’il taslan’
   
2. 
   Ja’birleniwshini a’tiraptag’ilardan izolyatsiyalan’
   
3. 
   “Unamli” tochkalardi massaj etin’. Ol sol waqitta basinan o’tkergen sezimlerin tinish dawista aytin’.
   
4. 
   Ja’birleniwshi menen ba’sekilespen’, soraw bermen’, sa’wbette biykarlawshi so’zlerdi isletpen’ (mis: “Ju’girme”, “Qolin’di qiymildatpa”)
   
5. 
   Este tutin’ ja’birleniwshi o’zine ha’m a’tiraptag’ilag’a ziyan jetkeriwi mu’mkin.
   

Ha’reket qozg’aliwshan’lig’i a’dette uzaq sozilmaydi ha’m nerv qaltirawi, jilaw sonday – aq agressiv xulq ko’rinislerine o’tiwi mu’mkin.
Stupor organizmnin’ ku’shli qorg’aniw reakciyalarinan biri. Ol ku’shli nerv azabinan keyin baslanadi (partlaw, basqinshiliq, ayawsiz zorliq). Bunda insan jasap qaliwi ushin ko’p energiya sarplag’ani ushin onda a’tirap – ortaliq penen kontaktqa kirisiw ushin ku’sh qalmaydi.
Stupor bir neshe minuttan bir neshe saatqa shekem soziliwi mu’mkin. Sonin’ ushin ja’rdem ko’rsetilmese ha’m ja’birleniwshi usi halatta uzaq qalip ketse, bul oni fizikaliq da’rmansizliqqa alip keledi. A’tirap – ortaliq penen kontakt bolmag’anlig’i sebepli ja’birleniwshi qa’wipti sezbeydi ha’m onnan qutiliw ilajlarin ko’rmeydi.
Tiykarg’i faktorlari:
- erkli ha’reket ha’m so’zdin’ joqlig’i yamasa onin’ birden pa’seyiwi
- sirtqi qozg’atiwshilarg’a (jaqtiliq, shawqim, tiyiw) reaktsiyasinin’ joqlig’i
- bir pozada qatip qaliw, toliq ha’reketsizlik jag’dayi
- ayirim bulshiq et tarawlarinda zorig’iw boliwi mu’mkin.
Usi jag’dayda:

1. 
   Ja’birleniwshinin’ eki qolinin’ barmaqlarin bu’klen’ ha’m alaqaninin’ baslang’ish bo’limine basin’. U’lken barmaq sirtta boliwi kerek.
   
2. 
   U’lken ha’m ko’rsetkish barmaq ja’birleniwshinin’ man’layi qasinin’ ortasindag’i siziqlar massaj etiledi. Bos qol alaqanin ja’birleniwshinin’ ko’kiregi u’stine qoyin’.
   
3. 
   O’zinizdin’ demin’izdi onin’ dem aliw ritmine maslastirin’.
   
4. 
   Stuporg’a tu’sken insan ko’riwi ha’m esitiwi mu’mkin. Sonin’ ushin onin’ qulag’ina a’sten, pa’s ha’m aniq dawista ku’shli emotsiyani oyatiwshi (jaqsisi unamsiz) ga’plerdi aytin’.
   

Qa’legen qurallar arqali ja’birleniwshide reaktsiyani oyatin’.
Agressiv xulq insan organizmindegi joqari ishki zorig’iwdi sol arqali pa’seytiriwge ha’reket etiwshi erksiz payda boliwshi usillardan biri. Agressiya yamasa g’azep uzaq dawam etiwi mu’mkin ha’m ol ja’birleniwshini o’zine ha’mde a’tirapidag’ilarg’a kesent etiwi mu’mkin.
Tiykarg’i belgileri:
- nervi shig’iw, naraziliq, jek ko’riw (qa’legen, ha’tteki a’hmiyetsiz sebepke de); a’tiraptag’ilardi qanday da bir predmet penen uriw,
- haqaratlaw, kemsitiw
- bulshiq et zorig’iwi
- qan basimi asiwi.
Usi jag’dayda

1. 
   A’tiraptag’ilar sanin kemeytiriw
   
2. 
   Ja’birleniwshige ishindegi “ot”ti shig’arip jiberiwge imka’n berin’ (mis: so’ylep yamasa dastiqti urip shig’ariwg’a)
   
3. 
   Og’an joqari zorig’iwli jumisti tapsirin’
   
4. 
   Dosliqti ko’rsetin’. Ja’birleniwshini maqullamasan’izda onin’ o’zin ayiplaman’, is – ha’reketleri boyinsha pikir bildirin’. Keri jag’dayda agressiv xulq sizge qaratiladi. “O’zi qanday adamsan’” dew mu’mkin emes. “Senin’ ju’da’ qatti ashiwin’ shig’ip tur, ha’mme jerdi buzip taslag’in’ kelip tur. Kel usi jag’daydan shig’iw jolin birge tabiwg’a urinip ko’remiz”.
   
5. 
   Sha’rayatti ku’lgili so’zler menen jumsatiwg’a ha’reket etin’
   
6. 
   Insan g’a’zeplenip atirg’anda og’an ja’rdem berilmese unamsiz aqibetlerge alip keliwi mu’mkin: o’z is – ha’reketlerin qadag’alawdin’ pa’seyiwi sebepli insan oylamay qilg’an qilmislari arqali o’zine ha’m a’tiraptag’ilarina ziyan jetkeriwi mu’mkin.
   

Qorqiw. Bala tu’nde qorqinishli tu’s ko’rgeninen oyanip ketedi. Ol krovat astinda jasawshi maqluqlardan qoriqqani siyaqli, bir ku’n avtomobil avariyasina ushirag’an adam, ja’ne ro’lge otira almaydi. Jer silkiniwdi basinan keshirgen adam aman qalg’an kvartirasina qaytiwdan bas tartadi. Bulardin’ barlig’inin’ sebebi qorqiw.
Qorqiwdin’ tiykarg’i belgileri:
- bulshiq ettin’ zorig’iwi ( tiykarinan ju’zdin’)
- ku’shli ju’rek uriwi
- ju’zeki dem aliw
- o’z xulqi u’stinen qadag’alawdin’ pa’seyiwi.
Panika qorqiw, qashiwg’a iytermelewi, qatip qaliw yamasa qozg’aliwg’a, agressiv xulqqa alip keliwi mu’mkin. Bunda insan ne islep atirg’anin, a’tirapta ne bolip atirg’anin an’lamaydi.
Bunday jag’dayda:
1. Ja’birleniwshinin’ qolin bilegin’izge qoyin’, ol sizin’ tinish pulsin’izdi sezsin. Bul og’an signalday baradi. ”Men ha’zir qasin’daman, sen jalg’iz emessen’!” .
2. Teren’ ha’m bir tegis dem alin’. Ja’birleniwshini siz benen bir ritmde dem aliwg’a shaqirin’.
3. Ja’birleniwshi so’ylese oni tin’lan’, og’an qizig’ip atirg’anin’izdi ha’mda’rtligin’izdi ko’rsetin’.
4. Ja’birleniwshi denesindegi ku’sheygen bulshiq etlerdi jen’il massaj etin’.