Tabiiyot va geografiya taʼlimida kompetensiyalar

Tabiatni muhofaza qilish va ekologik madaniyat kompetensiyasi: 
A2 
O‘rta Osiyo va O‘zbekiston hududida ro‘y berayotgan ekologik-geografik jarayonlar, 
ularning aholi va xo‘jalikka ko‘rsatadigan ta’sirini kuzatadi va tushuntira oladi. O‘zbekiston tabiiy 
geografik okruglarining dolzarb ekologik muammolari, alohida muhofaza etiladigan hududlari 
haqida, Orol va Orolbo‘yi ekologik muammosining mazmun-mohiyatini tushunadi.
A2+
o‘zi yashaydigan joy tabiatini muhofaza qilish haqida anglab yetadi va tabiatni muhofaza 
qilish va ekologiya mavzulariga doir tadbirlarida ishtirok eta oladi. 
 
8-sinf o‘quvchilarida shakllangan fanga oid umumiy kompetensiyalar: 
Tabiiy, ijtimoiy-iqtisodiy jarayon hamda hodisalarni kuzatish, aniqlash, tushunish va 
tushuntirish kompetensiyasi:
 
A2
iqtisodiy va ijtimoiy geografiyani tabiiy geografiya fani bilan bog‘liqligini tushunadi va 
tushuntira oladi. O‘zbekiston Respublikasining iqtisodiy va siyosiy-geografik o‘rnini tahlil qiladi 
va baholay oladi; O‘zbekiston ma’muriy-hududiy tuzilishini, tabiiy sharoiti va tabiiy resurslarining 
salohiyatini va xilma-xilligini, xo‘jalikka ta’sirini tushunadi va tushuntira oladi. Aholi tabiiy va 
migratsion harakati, aholi zichligi, harakati va tarkibini topishga oid masalalarni yecha oladi. Aholi 
manzilgohlari turlarini ajrata oladi; urbanizatsiya jarayoni unga oid masalalarni yechadi. Milliy 
iqtisodiyot va sanoat tarmoqlarini ajrata oladi. O‘zbekistondagi yetakchi sanoat korxonalari, 
ularning mahsulotlari, iqtisodiy ahamiyati va joylanish omillarini tushunadi va tushuntira oladi. 
Mustaqillik yillarida milliy iqtisodiyotdagi muhim o‘zgarishlarini ijtimoiy, iqtisodiy va hududiy 
ahamiyatini anglaydi va izohlay oladi. Qishloq xo‘jaligi tarmoqlari va uning asosiy mahsulotlarini 
aytib bera oladi.
A2+
mustaqillik yillarida mamlakatimizda barpo etilgan qo‘shma korxonalar va ularda 
tayyorlanayotgan mahsulotlar haqida ma’lumotlar to‘play oladi.