Tabiiyot va geografiya taʼlimida kompetensiyalar

 
8-sinf o‘quvchilarida shakllangan fanga oid umumiy kompetensiyalar: 
 
Tabiiy, ijtimoiy-iqtisodiy jarayon hamda hodisalarni kuzatish, aniqlash, tushunish va 
tushuntirish kompetensiyasi: 
A2
sanoat tuguni, sanoat punkti, sanoat markazi va sanoat rayoni tushunchalarini tushunadi va 
tushuntira oladi; O‘zbekistondagi yirik sanoat rayonlari (Angren-Olmaliq, Toshkent-Yangiyo‘l, 
Navoi-Zarafshon, Farg‘ona-Marg‘ilon) va respublikada barpo etilgan erkin industrial-iqtisodiy 
zonalarni aytib bera oladi. transport tarmoqlarini ajrata oladi; transportning rivojlanishi va 
joylanishining omil, shakl va qonuniyatlarini, aholiga xizmat ko‘rsatish tarmoqlarini, aholiga 
xizmat ko‘rsatish turlari haqida tushunadi va tushuntira oladi; tashqi iqtisodiy aloqalar statistik 
ko‘rsatkichlarini tahlil qiladi va hisoblay oladi.
Hududiy mehnat taqsimoti, hudud ixtisoslashuvi, 
iqtisodiy rayon, hududiy ishlab chiqarish majmuasi tushunchalarini biladi va farqlay oladi. 
Iqtisodiy rayon va viloyatlarga kompleks iqtisodiy-geografik tavsif bera oladi.
A2+
aholi joylashuvi, xo‘jaligi ixtisoslashuvi va hududiy tarkibiga ta’sir etuvchi geografik 
omillarni anglaydi va izohlay oladi, hududlar xo‘jaligining rivojlanish istiqbollari haqida aytib 
bera oladi.  
 
Geografik obyektlar, joy nomlarini to‘g‘ri qo‘llay olish kompetensiyasi:
A2 
O‘zbekistondagi yirik sanoat rayonlarini, yirik transport magistral nomlarini, dam olish 
maskanlari va turistik shaharlar; iqtisodiy rayonlar, ulardagi iqtisodiy markazlar, korxonalar, 
diqqatga sazovor obyektlarning nomlarini to‘g‘ri aytadi va yoza oladi.
A2+
O‘zbekistondagi dam olish maskanlari va turistik shaharlar haqida referatlar, albomlar 
tayyorlay oladi.
 
Globus, geografik atlas va xaritalardan amaliyotda foydalana olish kompetensiyasi: 
A2 
O‘zbekiston xaritasidan yirik transport magistrallarini ko‘rsata oladi; transport xaritalarini 
o‘qiy oladi va yozuvsiz xaritaga tushira oladi. O‘quv atlasidan ijtimoiy sohalar xaritalarini o‘qiy 
oladi va yozuvsiz xaritaga tushira oladi; tashqi savdo aloqalarining diagrammalarini o‘qiy oladi. 

---

Hududlarning umumiqtisodiy xaritalari yordamida mintaqalar xo‘jaligining tarkibi va 
joylashuviga tavsif bera oladi, umumiqtisodiy xaritalarni yozuvsiz xaritasini ishlay oladi.