Тадбиркорлик асослари

87 
ТАДБИРКОРЛИК АСОСЛАРИГА ЎҚИТИШ БЎЙИЧА ҚЎЛЛАНМА 
 
Суғурта сизнинг молиявий ҳолатингизни турли таваккалчилик 
ва хавфлардан сақлайди. Бундай хавфлар, товар ва хизматга бўлган 
эҳтиёжини камайиши, ҳар бир бизнесда учрайди. Бироқ барча бошқа 
хавфларни суғурталаш орқали компенсация қилиб бўлмайди.
Ўзбекистонда суғурталаш тизими мажбурий ва ихтиёрий 
суғурталашдан иборат. Мажбурий давлат суғуртаси давлат органлари, 
ихтиёрий суғурталаш турли шаклдаги мулкчилик суғурта компаниялари 
томонидан таъминланади. Ҳозирги вақтда Ўзбекистонда 40 та суғурта 
компаниялари фаолият кўрсатмоқда. Улар томонидан 260 турдаги 
суғурта хизмати кўрсатилмоқда.

---

Ўзбекистон савдо-саноат палатаси
88 
ТАДБИРКОРЛИК АСОСЛАРИГА ЎҚИТИШ БЎЙИЧА ҚЎЛЛАНМА 
 
ТАДБИРКОР БИЛИШИ КЕРАК БЎЛГАН АСОСИЙ АТАМАЛАР 
 
АГЕНТ - бошқа бир шахс номидан, унинг топшириғига биноан, 
битимларга оид ҳужжатларга унинг номидан имзо қўйишга ҳаққи 
бўлмаган ҳолда маълим бир ишларни бажарувчи, жисмоний ёки хукукий 
шахс.
АГЕНТЛИК БИТИМИ - одатда, ёзма равишда тузилади.
АКТИВ - бухгалтерия балансининг бир қисми бўлиб, корхонанинг 
маълум бир санадаги пулда ифодаланган маблағи, уларнинг таркиби ва 
жойлашиши. 
АКЦИЯЛАР - акциядорлик жамияти томонидан чиқариладиган ва 
эгасига акциядорлик жамиятининг фойдасидан маълум бир даромад 
(дивидиент)ни олиш ҳуқуқини бкрувчи қимматбаҳо қоғозлар.
БАНК ДЕПОЗИТЛАРИ - кредит ҳисобига ёки банкка (бошқа валюта) 
эквивалент миқдордаги тўлов тўланганлиги асосида, банкдан маълум 
бир миқдордаги пулни олиш ҳуқуқини берувчи қўйилмалар.
БАРТЕР БИТИМИ - тўғридан-тўғри, пул иштирокисиз, товарни 
товарга айирибошлаш. Ички бозорда ва халқаро савдода (валютасиз 
айирибошлаш) амалга оширилиши мумкин.