Тадбиркорлик со

2-§. Банклардаги ҳисобварақлар бўйича 
операцияларни тўхтатиб қўйиш
Ўзбекистон Республикаси қонунчилигида банклардаги ҳисоб-
варақлар бўйича операцияларни тўхтатиб қўйиш каби ҳуқуқий 
таъсир чораси суддан ташқари тартибда қўлланилиши мумкин 
бўлган айрим ҳолатлар назарда тутилган. Хусусан, «Жиноий 
фаолиятдан олинган даромадларни легаллаштиришга ва терро-
ризмни молиялаштиришга қарши курашиш тўғрисида»ги ЎзР 
Қонунининг
162
9-моддасига асосан, жиноий фаолиятдан олинган 
даромадларни легаллаштириш ва терроризмни молиялаштириш-
га қарши курашиш бўйича махсус ваколатли давлат органи пул 
маблағлари ёки бошқа мол-мулк билан боғлиқ операцияларни, 
агар бундай операциялар тўғрисидаги ўзи олган хабар текшириш 
натижаларига кўра асосли деб топилган бўлса, икки иш куни-
дан кўп бўлмаган муддатга тўхтатиб туриш ҳақида кўрсатмалар 
йўллаш ҳуқуқига эга.
Мазкур Қонуннинг 15-моддасига кўра, пул маблағлари 
ёки бошқа мол-мулк билан боғлиқ операцияларни амалга оши-
рувчи ташкилотлар пул маблағлари ёки бошқа мол-мулк билан 
боғлиқ, ушбу Қонуннинг 14-моддасида назарда тутилган опера-
цияларни, юридик ёки жисмоний шахс ҳисобварағига тушган пул 
маблағларини ҳисобга киритиш бўйича операцияларни истисно 
этганда, бу операция бажарилиши лозим бўлган санадан эътибо-
ран уч иш кунига тўхтатиб туриш ҳамда бундай операция ҳақида 
операция тўхтатиб турилган куннинг ўзида махсус ваколат-
ли давлат органини хабардор қилишлари шарт. Пул маблағлари 
ёки бошқа мол-мулк билан боғлиқ операцияни тўхтатиб туриш 
тўғрисида махсус ваколатли давлат органининг кўрсатмаси 
бўлмаса, кўрсатилган муддат ўтгач, пул маблағлари ёки бошқа 
162
Ўзбекистон Республикаси Олий Мажлисининг ахборотномаси, 2004 й., 
9-сон, 160-модда.

---

330
мол-мулк билан боғлиқ операцияни амалга оширувчи ташкилот 
тўхтатиб турилган операцияни бажаришга киришади.
Қонунчиликда банклардаги ҳисобварақлар бўйича опера-
цияларни тўхтатиб қўйиш тўғрисидаги ҳуқуқий таъсир чораси-
нинг фақат суд томонидан қўлланилиши билан боғлиқ умумий 
қоидани истисно этадиган яна бир ҳолат акс эттирилган. «Дав-
лат солиқ хизмати тўғрисида»ги Ўзбекистон Республикаси 
Қонунининг 5-моддасига мувофиқ, солиқ тўловчининг банк-
лардаги ҳисобварақлари бўйича операцияларини тўхтатиб ту-
риш қуйидаги ҳолларда давлат солиқ хизмати органларининг 
қарорлари асосида ҳам амалга оширилиши мумкин:
1) солиқ ва (ёки) молиявий ҳисобот уни тақдим этишнинг бел-
гиланган муддати тугаганидан кейин ўн беш кун ичида солиқ 
тўловчи – юридик шахс томонидан тақдим этилмаганда;
2) солиқ тўловчи – юридик шахс кўрсатилган манзилда 
бўлмаганда.
Таъкидлаш лозимки, ЎзР СКнинг 104-моддасига асосан, дав-
лат солиқ хизмати органлари мансабдор шахсларининг 15-боб 
қоидаларига риоя этмаганлиги давлат солиқ хизматининг юқори 
турувчи органи ёки суд томонидан бекор қилиниши мумкин. 
Шу тариқа, давлат солиқ хизмати органлари мансабдор шахсла-
ри томонидан банклардаги ҳисобварақлар бўйича операцияларни 
тўхтатиб қўйишнинг белгиланган талабларига амал қилмаслиги 
солиқ текшируви натижаси бўйича чиқарилган давлат солиқ хиз-
мати органи қарорининг юқори турувчи давлат солиқ хихмати 
органи ёки суд томонидан бекор қилиниши учун асос бўлиши 
мумкин.