Тадбиркорлик со

1.3. Солиқ ҳисоботи тушунчаси
Солиқ ҳисоботи солиқ тўловчининг солиқ ва бошқа мажбурий 
тўловнинг ҳар бир тури бўйича ёки тўланган даромадлар бўйича 
ҳисоб-китоблар ҳамда солиқ декларацияларини, шунингдек 
ҳисоб-китобларга ва солиқ декларацияларига доир иловаларни ўз 
ичига оладиган ҳужжати бўлиб, у ЎзР Давлат солиқ қўмитаси ва 
ЎзР Молия вазирлиги томонидан тасдиқланадиган шаклда тузи-
лади (ЎзР Солиқ кодексининг 43- моддаси).
ЎзР Солиқ кодексининг 7-бобида солиқ ҳисоботларига 
қўйиладиган асосий талаблар белгиланган.
1.3.1. Солиқ ҳисоботини тузиш
Солиқ ҳисоботи қоғозда ва (ёки) электрон ҳужжатга доир та-
лабларга риоя этилган ҳолда электрон ҳужжат тарзида тузилади.
Солиқ ҳисоботи солиқ тўловчи томонидан имзоланиши ке-
рак, шунингдек агар у юридик шахс бўлса, унинг муҳри билан 
тасдиқланади. Электрон ҳужжат тарзида тақдим этилган солиқ 
ҳисоботи солиқ тўловчининг электрон рақамли имзоси билан 
тасдиқланади.
Юридик шахс – солиқ тўловчи қайта ташкил этилаётганда ёки 
тугатилаётганда, ҳар бир қайта ташкил этилаётган ёки тугати-
лаётган солиқ тўловчига солиқ даври бошланганидан эътиборан 
қайта ташкил этиш ёки тугатиш тугалланган кунга қадар бўлган 
давр юзасидан тегишинча топшириш далолатномаси, тақсимлаш 
баланси ёхуд тугатиш баланси асосида алоҳида-алоҳида солиқ 
ҳисоботи тузилади. Мазкур ҳисобот топшириш далолатномаси, 
тақсимлаш баланси ёки тугатиш баланси тасдиқланган кундан 
эътиборан уч иш куни ичида тақдим этилади. Ушбу қисмнинг 

---

228
қоидалари ўзгартириш, шунингдек бошқа юридик шахсни қўшиб 
олиш орқали қайта ташкил этилаётган юридик шахсларга нисба-
тан татбиқ этилмайди.
Тадбиркорлик субъекти – юридик шахс ихтиёрий тугатилган 
тақдирда, унга солиқ даври бошланганидан то юридик шахслар-
ни давлат рўйхатидан ўтказувчи орган тугатиш тартиб-таомили 
бошланганлиги ҳақида хабардор қилинган санагача бўлган муд-
дат учун алоҳида солиқ ҳисоботи тузилади.
Солиқ ҳисоботида кўрсатилган маълумотларнинг тўғрилиги 
учун жавобгарлик солиқ тўловчининг зиммасига юклатилади(ЎзР 
Солиқ кодексининг 44- моддаси).