Tájiriybe jumislarin islegende texnika qáwipsizligi qaǵiydalari

Jumıs tamamlaǵannan keyingi qáwipsizlik talapları
Ásbaplar, úskeneler elektr támiynatınan ajratıladı ( óshiriledi)
Jumıs orni tártipke keltirilip, málimlemeler, stilistik hám basqa ádebiyatlar, ásbaplar, úskeneler oqituwshig`a yamasa laborantqa tapsırıladı.
1- tema : Ómir qáwipsizligi páninin`maqset hám waziypalri.
Jumistiń maqseti: Ómir qáwipsizligi páni haqqında túsinikke ıye boliw
Reje :
1. Ómir qáwipsizligi haqqında túsinik.
2. Ómir qáwipsizligi pániniń maqseti hám wazıypaları.
3. Ómir qáwipsizligi kursinin` qısqasha mazmunı.
Mámlekette qabıl etilgen «Kadrlar tayarlaw milliy dástu`ri», «Tálim haqqinda»ǵi Nızam tálim sisteması mazmunın túpten ózgertirip jiberdi. Atap aytqanda joqarı oqiw orinlariniń oqıw jobalarına zaman hám turmıs talaplarınan kelip shıǵıp úlken ózgertiwler kirgizildi.
Házirde tayarlanıp atırǵan jas qánigelerge hár bir tarawda tereń hám keń qamtılǵan sıpatlama beriw, olarǵa berilgen bilim óndiriste hám jámiyette óz kórinisin hám aktuallıǵın joǵaltpaytuǵın bolıwına hám olardıń bilim dárejeleri dúnya tálim standartları qoyǵan talapǵa juwap beriwine tiykarǵı áhmiyet qaratılıp atır.
Zamanagóy turmısdaǵı islep shıǵarıw natiyjeliligin jetik kadrlarsız kóz aldimizǵa keltiriw múmkin emes. Hár tarawda insan faktorı, onıń qadir-qimbati birinshi orınǵa qoyılıp jumıs islengenjerde tabıslar turaqlı bolıwınaguman joq.
Insan tuwılıwı menen jasaw, erkinlik hám baxitqa umtılıw huqıqına iye boladı. Insan óziniń jasaw, dem alıw, den sawliǵi haqqında qayǵıriw, qolay átirap-ortalıq, qáwipsizlik hám gigiena talaplarına juwap beretuǵın miynet sharayatında islewge bolǵan huquqlarin turmıs iskerligi processinde ámelge asıradı. Onıń bul huqıqlarına Ózbekstan Respublikası Konstitusiyasında kepillik berilgen.
Ómir qáwipsizligi - bul insannıń kúnlik iskerligi, dem alıwı hám jasaw tárizi bolıp tabıladı.
Insannıń ómiri processinde onı qorshap turǵan átirap ortalıq menen úzliksiz baylanısda boladı hám usınıń menen birge mudamı onı qorshap turǵan ortalıqqa baylanıslı bolıp kelgen hám sonday bolip qolaberedi. Insan sol sebepli de ózin qorshap turǵan átirap -ortalıq esabına azıq-awqat, hawa, suw, dem alıw ushın zárúr materiallıq zatlar hám basqalarǵa bolǵan zárúrligin qánaatlandıradı.