MAVZU YUZASIDAN TARQATMA MATERIALLAR
1.Tarqatmamaterial
1.Keyingi paytlarda o‘zbek tili sathlarida (leksika, fonetika, grammatikasida) qanday o‘zgarishlar yuz berdi?
2. Milliy til nima va uning tarkibiga nimalar kiradi?
2.Tarqatmamaterial
1.Oltoy tillar oilasi va turkiy tillar guruhi haqida nimalarni bilasiz?
2. Morfologik tasnif bo‘yicha bo‘lingan amorf va agglyutinativ tillar guruhlari haqida qanday ma’lumotlarni bilasiz?
3.Tarqatmamaterial
Tirik va o‘lik tillarni aniqlab, guruhlarga ajratib bering.
Portugal, arab, lotin, ispan, so‘g‘d, golland, gagauz, mo‘g‘ul, sanskrit, xitoy, balqar, qadimgi xorazmiy, fin, qorachoy, tuva, tatar, slavyan, shved, xakas, uyg‘ur, qadimgi prus, serb, norveg, chex, qadimgi fors, makedon, slovak, island, xorvat, kurd, no‘g‘ay, moldovan, grek, alban, yangi hind tili, latish, qadimgi arab tili.
4.Tarqatmamaterial
1. Tillar tasnifini klaster metodi orqali ko`rsatib bering.
Klaster texnologiyasiga tuzilgan taxminiy variant
MAVZUGA OID MASHQLAR
1-mashq. Hind-yevropa hamda oltoy tillar oilasiga kiruvchi tillarni aniqlab, guruhlarga ajratib yozing.
Osetin, tojik, bolgar, litva, ozarbayjon, arman, rumin, yoqut, pushtu, shor, turk, fransuz, qumiq, urdu, oyrot, sloven, chuvash, bengal, gujarat, qrim-tatar, lak, dungan, turkman, mo‘g‘ul, ingliz, nemis, shotland, chex.
2-mashq. Quyidagi so‘zlarni o‘zbek tili lahjalari bo‘yicha ajratib yozing.
Elay (elak), jur (yur), oka (aka), geldi (keldi), adamni (otamni), dag‘ (tog‘), aad (ot), taka (yostiq), secha (chumchuq), sov (sog‘), sari (sariq), o‘qijatir (o‘qiyotir), ertay (ertak), o‘d (o‘t), jazvotir (yozayotir), duz (tuz), opa (ona), jamg‘ir (yomg‘ir).
3-mashq. Arab, rus, tojik va o‘zbekcha so‘zlarni guruhlarga ajratib yozing.
So‘roq, purkagich, paypoq, bog‘dorchilik, haq, barkash, maorif, chiroq, stol, mansab, sanoat, panjara, yaxshi, pulemyot, dimog‘, ittifoq, undalma, gilam, obdasta, dasturxon, dars, ovqat, me'da, zavod, avlod, poydevor, darhol, mehnat, samovar, millat, patnis, hujum.
Do'stlaringiz bilan baham: |
