Ta’lim va taraqqiyot

 Namangan davlat pedagogika instituti “Ta’lim va taraqqiyot” ilmiy-uslubiy jurnali
2023-yil 4-son. ISSN: 2992-9008. UDK: 37
 
159 
«Interkontinental» mehmonxonasi Amir Temur ko'chasida joylashgan bo‗lib, 
u 10 qavat, 246 xonadan tashkil topgan. Milliy bank binosi mamlakatimiz mustaqil 
rivojlanishining ramzi sifatida ko‗kka bo'y cho‗zgan. Zamonaviy hajmiy 
kompozitsiya va dizaynga ega. Mamlakatimiz me‘morchiligidagi yangi 
yo'nalishlarni belgilab berdi. 
Toshkentning noyob me‘moriy va konstruktiv yechimdagi teleminorasi 
yaqinida Tennis korti bunyod etilgan. Uch ming o‗ringa mo‘ljallangan bu yopiq 
tennis korti binosi o‗ziga xos arxitekturaviy va funksional yechimi bilan jahonning 
eng yaxshi sport inshootlaridan qolishmaydi. U o'ziga xos shaklda metall 
konstruksiyalardan bunyod etilgan. To‗siq konstruksiyalarida zamonaviy 
materiallar ishlatilgan. 
«Interkontinental», 
«Sheraton», 
«Meridian», 
Buxoroda 
«Buxoro», 
Samarqandda «Afrosiyob», Toshkentda rekonstruksiya qilingan «O‗zbekiston», 
«Yoshlik», «Dedeman» singari mehmonxonalar dunyo standartlariga to‗la javob 
beradi. Ularda o‗ziga xos milliylik va umumbashariy umumiylik o‗z aksini topgan. 
Istiqlol yillarida mamlakatimiz poytaxti – Toshkent shahri ham tom 
ma'noda kundan kunga rivojlanib, o‗zgacha chiroy ochdi. Toshkentda ko‗plab 
zamonaviy ishlab chiqarish korxonalari, turarjoy binolari, madaniy-maishiy 
obyektlar, maktab, akademik litsey va kasb-hunar kollejlari, bolalar sport 
maskanlari, banklar, bozorlar, to‗yxonalar, supermarketlar, minimarketlar va 
boshqa xildagi binolar va inshootlar bunyod etildi. O‗nlab bog‗lar, oromgohlar va 
dam olish maskanlari yaratildi. Toshkentning eski shahri ham yanada 
ko‗rkalamlashdi. Toshkent shahrining obro‗ - e‘tibori butun dunyoga taratib «Sharq 
darvozasi» deb tan olindi. O‗zbekiston Respublikasi Prezidentining tashabbusi va 
bevosita rahbarligida mazmunan va shaklan tamomila yangi Mustaqillik maydoni 
barpo etildi. Bu yerda keng ko‗lamdagi qurilish va obodonlashtirish ishlari 
bajarildi. Vazirlar Mahkamasi, Moliya vazirligi binolari tubdan rekonstruksiya 
qilindi. O‗zbek milliy me‘morchiligining elementlarini o‗ziga jo etgan salobatli Senat 
binosi O‗zbekiston poytaxtining Bosh maydoniga o‗zgacha me‘moriy mazmun baxsh 
etdi. Senat, Vazirlar Mahkamasi va Moliya vazirligi binolari birgalikda 
maydonning me‘moriy kompleksini shakllantirdi. Maydon kompozitsiyasi 
takrorlanmas tashqi qiyofaga ega bo‗lib, arxitektura kompozitsiyasining markazini 
tashkil etadi. 
Bosh maydonga kiraverishda «Ezgulik arkasi» bunyod etildi. O‗n olti marmar 
ustunni tutashtirib turgan mahobatli arka tomon eltuvchi oppoq yo'lak, tepasida 
charx urayotgan turnalar, behadik laylaklar katta ma‘noni ko‗zlab ishlandi. 
Istiqlolning dastlabki kunlarida o'rnatilgan yer sharining ramziy timsoli - 
«Mustaqillik monumenti» dunyoda O'zbekiston degan yangi davlat paydo 
bo‗lganining, o‗zbek xalqini chin ozodlikka erishganinig yorqin ifodasi bo'ldi. 

---