"тасдиқланди" «Ўзбекистон Республикаси Ташқи иқтисодий фаолият Миллий банки» аж бошқаруви

камерал асосда — ушбу Тартибнинг 2.8-бандида кўрсатилган тавсияларга мувофиқ, исталган манбалардан олинган маълумотлар (банк операцион тизими маълумотлари – ҳисобварақлар айланмаси, кредитни тўлаш графиклари, интернет-ресурслар асосида шунингдек, қарз олувчи / биргаликда қарз олувчи / кафил / гаровга қўювчи томонидан тақдим этилган маълумотлар - бизнес-режа кўрсаткичларининг амалда бажарилиши, корхонанинг молиявий-хўжалик фаолияти тўғрисидаги маълумотлар) асосида қарз олувчини мониторинг қилиш масофадан туриб амалга оширилади. Мониторинг натижаларига кўра мониторинг қилиш Далолатномаси тузилади.

жойига чиққан ҳолда – ушбу Тартибнинг 2.8-бандида кўрсатилган тавсияларга мувофиқ, ҳар қандай манбалардан олинган маълумотлар (банк операцион тизими маълумотлари асосида-ҳисобварақлар бўйича айланмалар, кредитларни тўлаш графиклари, қарз олувчи/ биргаликда қарз олувчи/кафил/гаров берувчи томонидан тақдим этилган маълумотларга асосланиб – бизнес-режа кўрсаткичларининг амалда бажарилиши, корхонанинг молиявий ва иқтисодий фаолияти тўғрисидаги маълумотлар, Интернет-ресурслар, шунингдек қарз олувчининг жойлашган жойи ва гаровларини визуал текшириш асосида олинган)га асосланиб, қарз олувчи/биргаликда қарз олувчи/кафил/гаровга қўювчининг жойлашган жойига ташриф буюриш билан амалга ошириладиган қарз олувчининг мониторинги. Жойлашган жойига борган ҳолда ўтказилган мониторинг натижаларига кўра мониторинг қилиш Далолатномаси тузилади.

Тўлов манбаи Ўзбекистон Республикаси давлат ёки маҳаллий бюджет маблағлари ҳисобланган кредитларни жорий мониторинг қилиш амалга оширилмайди.
2.8. Кредитларни мониторинг қилиш бўлими ходими томонидан кредитларнинг жорий мониторингини ўтказиш жараёнида қуйидаги жиҳатлар ўрганилади:
2.8.1. Ҳуқуқий ҳужжатларни таҳлил қилиш.
2.8.1.1. Таъсис ҳужжатларига кирилтилган – устав ва таъсис шартномасига (ягона иштирокчи билан тузилмайди) қўшимчалар ўрганилади. Қонуний жиҳатдан, таъсис ҳужжатлари шартларига мувофиқ кредит шартномасига қарз олувчи томонидан ҳар қандай ўзгартириш киритиш фақат молиялаштирувчи банкнинг розилиги билан амалга оширилади;
2.8.1.2. Таъсис ҳужжатларига устав капитали миқдорини камайтириш бўйича ўзгартиришлар киритишга йўл қўйилмайди;
2.8.1.3. Янги иштирокчининг таъсисчилари таркибига киришида янги иштирокчининг молиявий ҳолати ўрганилади;
2.8.1.4. Корхона устав фондининг миқдори лойиҳани молиялаштириш кунида шакллантирилиши керак. Бироқ, агар лойиҳа ташаббускорининг қурилиш-монтаж ишларини (кейинги ўринларда ҚМИ деб юритилади) бажариш жараёнида бадал ёки инвестиция даврида бошқа бадалларни шакллантириш тўғрисидаги кафолат хати асосида Устав фондини қисман шакллантирган ҳолда лойиҳани молиялаштириш амалга оширилган бўлса, амалда киритилган маблағлар миқдорини ва кредит шартномаси/Банкнинг Кредит сиёсати шартларига мувофиқлигини ўрганиш керак.
Лойиҳага ўз ҳиссаси шакллантирилмаганлиги ҳолатлари аниқланганда, Қарз олувчи томонидан бадални шакллантириш чораларини кўриш - Қарз олувчи ва унинг таъсисчилари манзилига хатлар юбориш, имкон қадар, суҳбат баённомасини юритиш билан музокаралар ўтказилиши керак. Банкнинг сўровини эътиборсиз қолдириш кредит шартномаси шартларига мувофиқ кредит маблағларини муддатидан олдин ундиришга олиб келиши мумкин.