Tasdiqlayman «Navoiyazot» aj boshqaruv raisining birinchi o‘rinbosari O. J. Mavlonov

3.11 Begona shaxslarni ishlab chiqarishga kiritish tartibi.
Sexlarda begona shaxslarning bo‘lishi taqiqlanadi. Sex xodimlari ishlab chiqarish binolarida sexning ishlab chiqarish faoliyati bilan bog‘liq bo‘lmagan shaxslarning bo‘lmasligini doim kuzatishi kerak. Zarurat bo‘lganda (ishlab chiqarish texnologiyasi bilan tanishish, ta'mirlash, qurilish, montaj ishlarini amalga oshirish uchun) ishlab chiqarish binosida begona tashkilotlar alohida shaxslarining kirishi sex xizmat ko‘rsatuvchi xodimi tomonidan faqat sex boshlig‘i ruxsati bilan MTX kuzatuvi ostida ishlab chiqarish binosiga kiritishi mumkin.
Ekskursiyachilar markazlashtirilgan texnik o‘qitish va kadrlar tayyorlash bo‘limi vakili ishtirokida sex hududiga kirishiga ruxsat beriladi. Ekskursiyaga korxona yoki sexning MTX kuzatuvi ostida kiritiladi.
Chilangar-ta’mirlovchi ishlab chiqarish binosida begona shaxsni uchratsa uning familiyasi, ish joyi, lavozimini, sexga kirish sababini bilisih va uni sex boshlig‘i oldiga yuborishi kerak. Ishlab chiqarish binosida harakatlanish huquqiga ega bo‘lmagan barcha shaxslar darhol sex hududidan chiqarilishi kerak.


4 ISHLARNI BAJARISHDA XAVFSIZLIK TALABLARI


4.1 Ishni boshlashdan oldingi xavfsizlik talablari:
4.1.1 Ishga vaqtliroq kelish va agar ishlar ikki yoki uch smenada amalga oshirilsa, smenani qabul qilish;
4.1.2 Ishlab chiqarish topshirig‘ini olish;
4.1.3 Agar naryad-ruxsatnoma (ruxsatnoma) bo‘yicha amalga oshiriladigan ishlarga (yong‘in, balandlikda ish, ta'mirlash va boshqalar) yuborilsa maqsadli yo‘l-yo‘riqdan o‘tish va naryad-ruxsatnomaga (ruxsatnomaga) imzo qo‘yish;
4.1.4 Maxsus kiyimlarni to‘g‘ri tartibga keltirish: yenglarini mahkamlash, sochni bosh kiyimning ostiga qo‘yish, soch uchlari chiqib qolmasligi kerak va hokazo;
4.1.5 Ishlarni bajarish joyida ish sharoitlari, xususiyati va hajmi bilan tanishish;
4.1.6 Ish joyini tekshirish va tayyorlash, uning tozaligini ta'minlash va tartibsizlikka yo‘l qo‘ymaslik, ishni bajarish joyiga armatura, ehtiyot qismlar, materiallar, asboblar, moslamalar, uskunalar, himoya va saqlovchi vositalarni olib kelish;