Konspekt yozish bo’yicha metodik tavsiyalar:
Maqsad. Talabalarni o‘z mehnati evaziga bilim olishga yo‘naltirish, ya’ni aqliy mehnat bilan shug‘ullanish ko‘nikmasini mustaqil ravishda shakllantirish – bilim, ko‘nikma, malaka va ijodiy faoliyatni tarkib toptirish.
Vazifasi:
1. O‘qib o‘zlashtirilgan bilimlar asosida mavzuga doir tushunchalar, kalit so‘zlarni saralash-tahlil qilish;
2. Umumiy nazariy bilimlardan asosiy qismlarini ajratib olib, aniq, qisqa, lo‘nda fikrlarni yozish ko‘nikmasiga ega bo‘lish;
3. Nazariy bilimlarni og‘zaki bayon etib berishni ichki rejasi shakllantirish.
4. Nazariy bilimlarni hayotiy misollar bilan asoslab, isbotlab berish ko‘nikmasini egallash;
5. Talaba o‘qib, o‘zlashtirgan bilimlarni matn tarzida yozadi, og‘zaki bayon etadi, misollar keltiradi, asoslaydi, isbotlaydi.
6. Bilimlar xotirada mustahkamlanadi.
Matn-konspekt nima va u qanday yoziladi?
-Reja, ko‘chirib olingan matn va tezislarni birlashtirish tushuniladi;
- ifodaning ichki mantig‘ini ko‘rsatadi;
-asosiy xulosa, dalillar, isbotlar, uslublarni o‘zida mujassam etadi;
-materialga nisbatan uning tuzuvchisiga munosabatini aks ettiradi;
-faqatgina tuzuvchi emas, balki boshqa kitobxon tomonidan ham foydalanish mumkin.
Matn-konspekt yozishda nimalarga e’tibor qaratish muhim?
-NIMA HAQIDA gap ketishiga;
-NIMALAR tasdiqlanishiga;
-QANDAY isbotlanishiga.
Baholash mezonlari:
1. Konspekt matnining to’liqligi (rejalari yoritib berilganligi)
2. Mavzuning xususiyatlari va o’ziga xosliklarining yoritib berilganligi.
3. Konspektning asosli dalillar bilan ifodalanganligi.
Tavsiya etilgan adabiyotlar:
1. Сластенин В.А. Общая педаго-гика. Часть 1. М., 2003;
2. B.X.Xodjayev. Pedagogika nazariyasi va amaliyoti. Darslik. – T.: “Sano-standart” nashriyoti, 2017.
3. M.Toxtaxodjayevaning umumiy tahriri ostida. Pedagogika. Darslik. – T.: “O’zbekiston faylasuflari Milliy jamiyat”, 2010.
Ibragimov X.I., Abdullayev SH. Pedagogika nazariyasi. Darslik. – T.: “Fan va texnologiya” nashriyoti, 2008.
Do'stlaringiz bilan baham: |
