«tasdiqlayman»

5120100 – Filologiya va tillarni oʻqitish (oʻzbek tili) yoʻnalishi

T/r	Mavzular nomi	Jami soat	Ma`ruza	Amaliy mashg`ulot	Seminar	Mustaqil ta`lim
1.	Kirish.”Oʻzbek adabiyotini oʻqitish metodikasi” fanining umumnazariy masalalari.	8	2	-	-	4
2.	Oʻzbek adabiyotini fan sifatida oʻqitish tarixi haqida. Adabiyot oʻqitish metodikasining boshqa fanlar bilan aloqasi. Adabiyot darslarida fanlararo inetgratsiyadan foydalanish.	8	2	2	2	4
3.	Oʻzbek adabiyotini oʻqitishning oʻziga xos tamoyillari. Oʻzbek adabiyotini oʻqitishning metodlari. Pedagogik innovatsion texnologiyalar va adabiy ta’lim. Modulli ta’lim texnologiyasi xususiyatlari va adabiyot oʻqitishda undan foydalanish yoʻllari.	10	4	2	2	4
4.	Adabiyot oʻqituvchisining faoliyati, darsga tayyorlanishi va uning shaxsiga qoʻyiladigan talablar. Adabiyot darslarini kuzatish va tahlil qilish.	8	2	2	2	2
5.	Yozuvchi tarjimayi holining berilishiga xos xususiyatlar. Adabiyot darslarida koʻrsatmalilik. Texnik vositalar va internet ma’lumotlaridan foydalanish.	10	2	2	2	2
6.	Adabiy-nazariy tushunchalarni oʻrganish.	8	2	2	2	4
7.	Badiiy asar ustida ishlashning shakli va mazmuniga koʻra turlari. Asarlarni tur xususiyatiga koʻra oʻrganish. Adabiyot darslarida oʻquvchilarni asar qahramonlarini baholashga oʻrgatish.	12	2	2	2	6
8.	Epik, lirik,dramatik asarlar ustida ishlash yoʻllari.	10	4	2	2	2
9.	Adabiyot darslarida inshoning oʻrni va roli hamda uni tashkil etish yoʻllari.	12	2	-	-	2
10.	Oʻqish turlari va ularning xususiyatlari. Adabiyot darslarida oʻquvchilarning mustaqil ishlarini tashkil etishning metod va usullari.	-	2	-	2	2
	Jami	86	24	14	16	32

VI. Asosiy nazariy qism:

Asosiy qismda (ma`ruza) fanni mavzulari mantiqiy ketma-ketlikda keltiriladi. Har bir mavzuning mohiyati asosiy tushunchalar va tezislar orqali ochib beriladi. Bunda mavzu boʻyicha talabalarga DTS asosida yetkazilishi zarur boʻlgan bilim va koʻnikmalar toʻla qamrab olinishi kerak. Asosiy qism sifatiga qoʻyiladigan talab mavzularning dolzarbligi, ularning ish beruvchilar talablari va ishlab chiqarish ehtiyojlariga mosligi, mamlakatimizda boʻlayotgan ijtimoiy-siyosiy va demokratik oʻzgarishlar, iqtisodiyotni erkinlashtirish, iqtisodiy-huquqiy va boshqa sohalardagi islohatlarning ustuvor masalalarini qamrab olishi hamda fan va texnologiyalarning soʻnggi yutuqlari e`tiborga olinishi tavsiya etiladi.

Ma`ruza mashg`ulotlari uchun tavsiya etiladigan mavzular:
1-mavzu. Kirish.”Oʻzbek adabiyotini oʻqitish metodikasi” fanining umumnazariy masalalari.

Yurt mustaqilligiga erishilgandan keyin pedagogika ilmi va amaliyotida, ta’lim-tarbiya jarayonida amalga oshirilayotgan keskin oʻzgarishlar. Bolalarga tayyor bilimlarni berishdan koʻra ma’naviyatni sogʻlomlashtirishning, mustaqil fikrlashga yoʻnaltirishning, ta’lim olish jarayonida oʻzlarining ishtirokini ta’minlashning yangi-yangi yoʻllarini topishga intilayotganligi. Oʻqitishning asosiy ashyosi boʻlmishdarslik, metodik qoʻllanma, metodik tavsiyalar hamda metodika ilmida malakali kadrlar yetishtirib berishdan koʻra ruhan sogʻlom, aqlan barkamol avlodni tarbiyalashning ustuvorligi. Adabiyot metodikasining pedagogika tizimiga mansub mustaqil fan ekanligi. Adabiyot oʻqitish metodikasining metodolik asoslari. Adabiyot oʻqitish metodikasining obyekti va predmeti. Adabiyot oʻqitishning maqsadi va vazifalari. Adabiyot oʻqitishning dolzarb muammolari.

2-mavzu. Oʻzbek adabiyotini fan sifatida oʻqitish tarixi haqida. Adabiyot oʻqitish metodikasining boshqa fanlar bilan aloqasi. Adabiyot darslarida fanlararo inetgratsiyadan foydalanish.

Adabiyot oʻqitish metodikasi fanining oʻtmishdagi buyuk allomalar, mudarris olimlarning qarashlariga tayanishi. Metodik fikrlar tarixining oʻzbek xalqi va millat adabiyoti taraqqiyoti bilan bogʻliqligi. Boʻlajak adabiyot oʻqituvchilarining oʻquv rejasida koʻzda tutilgan falsafa, pedagogika, psixologiya, adabiyot nazariyasi, oʻzbek adabiyoti tarixi, hozirgi oʻzbek adabiy tili, mutaxassislikka kirish, oʻzbek dialektologiyasi, xalq ogʻzaki ijodi kabi fanlardan xabardorligi va adabiyot oʻqitishda ulardan foydalana bilish qobiliyati. Asar voqeligi va obrazlar tizimi tahlilida fanlararo inetgratsiyaning oʻrni va ahamiyati. Adabiyotni oʻzga fanlar bilan bogʻlab oʻqitishning tabiiy ekanligi. Adabiyotni oʻrganish asnosida oʻzga oʻquv faniga doir tushuncha va qonuniyatlarni bilishning zaruriyati.