Ташкентский государственный

6.2. Ўқувчиларнинг одоб-ахлоққа оид мажбуриятлари:


а) Таълим муассасаси ҳудудида:

• 
  мактабга машғулотлар бошланишидан 10-15 дақиқа олдин, «Мактаб Низоми»да белгиланган ўқувчилар формасида келиш;
  
• 
  тоза ва ораста кийиниш, саранжом-саришта юриш, сочларини озода ва тартибга келтирилган ҳолда сақлаш, қиз болалар томонидан ихчам зиракдан ташқари бошқа безакларни тақмаслик, ўғил болалар томонидан сочларининг узунлигини меъёр (2-3 см)дан ошмаслик;
  

• 
  ҳудудни ифлослантирмаслик ва чиқиндиларни фақат махсус белгиланган идишларга ташлаш;
  
• 
  устозлар ва мактаб меҳмонлари билан учрашганда салом бериш;
  
• 
  ўқув машғулотлари вақтида ҳудудда сабабсиз юрмаслик;
  
• 
  таълим муассасаси мулки (парта, стол, стул, доска, ўсимлик ҳамда ҳайвонот дунёси ва ҳоказолар)га эҳтиёткорона муносабатда бўлиш;
  
• 
  мактаб йўлакларида тинчликни сақлаш, овозни кўтариб гаплашмаслик;
  
• 
  мактабга ўқув-қуроллари, дарс жадвалида белгиланган ўқув дарсликлари ва дафтарлари билан келиш (ўқувчилар учун мўлжалланган папка тутиши, кундалик дафтарининг бўлиши, маънавиятга зид расмлар туширилган ёзув дафтарларидан фойдаланмаслиги);
  
• 
  нафақат таълим муассасаси ҳудудида, балки барча жойларда наркотик ва психотроп моддалар, алкоголь ва тамаки маҳсулотларининг истеъмол қилиниши ҳамда тарқатилишига йўл қўймаслик.
  

б) Дарс вақти (синф хоналари)да:

• 
  дарс жараёнига халал берадиган ҳаракатлар қилишдан сақланиш;
  
• 
  уяли алоқа воситаларини ўчириб қўйиш;
  
• 
  дарс вақтида ўринсиз гаплашмаслик;
  
• 
  жиҳозларни асраб-авайлаш, парталарга, стол ва стулларга чизмаслик;
  
• 
  қоғоз ва бошқа кераксиз нарсаларни қолдириб кетмаслик;
  
• 
  овқатланмаслик, сақич чайнамаслик.