Tayanch harakat aparatining mexanik shikastlanishlari. Immoblizatsiya

Anaerob infektsiyalar
Gazli gangrena-ko’proq Clostridium perfringens turiga mansub mikroblar qo’zg’atadi. Bu mikroblar axlat, go’ng, chang, odamning iflos terisida juda ko’p bo’ladi. Gazli gangrena rivojlanishiga magistral tomirlarni zararlanishi, suyaklarni ochiq sinishida etarlicha immobilizatsiya qilinmaslik, yaraning ifloslanishi, mushakda jaroh’at bo’lishi, to’qimalardagi kislorod tanqisligi, ochlik, sovuq qotish, organizm qarshiligini pasayishi va b. tasir ko’rsatadi.
Klinik belgilari yaralanishdan 3-4 kun o’tgach yuzaga chiqa boshlaydi. Yarada qattiq tortishadigan og’riq paydo bo’lishi va yaralangan bemor umumiy ah’volining yomonlashishi, qo’zg’alish, yuz oqarishi, tilning quruqlashishi dastlabki belgilar h’isoblanadi. Keyinchalik yara soh’asi quriydi, to’qimalar tezlik bilan shishadi va asta-sekin qo’l yoki oyoqning h’amma eriga tarqaladi, mushaklar rangi o’zgaradi (qaynatilgan go’shtga o’xshab qoladi) va terida h’ar xil rangdagi dog’lar paydo bo’ladi. Teri osti kletchatkasida gaz bo’lganligidan