Teleboshlovchi boʻlib qolsam nutqiy mavzuning maqsadi

Koʻngilochar koʻrsatuv – insonlarga xush kayfiyat bagʻishlashni maqsad 
qilgan koʻrsatuv. 
Shou dastur – ommalashgan, xalqni tomosha qilishiga qaratilgan tadbir. 
Improvizatsiya qilish – ijro jarayonining oʻzida yaratilgan sheʼr, musiqa, 
pyesa va shu kabilar orqali vaziyatga moslab ijro etish. 
Kadr orti – tasvirga olish jarayonida ishtirok etadigan, ammo tasvirda 
koʻrinmaydigan jarayon.  
Muhokama.
 
Matn asosidagi maʼlumotlarning toʻgʻri yoki notoʻgʻri ekanini aniqlang. Har 
bir maʼlumotni sinfda muhokama qiling.
 
Ushbu topshiriq matn bilan qayta ishlash, matndagi maʼlumotlarni saralash, 
fikrlarni toʻgʻri, notoʻgʻri maʼlumotlarga ajrata olishga qaratilgan. Berilgan gaplar 
matnda ochiq va yopiq ifodalangan maʼlumotlar asosida olingan. Oʻquvchilar matn 
bilan qayta ishlab, bajarishlari lozim.
Belgilab boʻlganlaridan soʻng, muhokama boshlanadi. Bu jarayonda 
oʻquvchilardan toʻgʻri deb belgilagan birliklarini nima uchun toʻgʻriligini, 
notoʻgʻri deb belgilagan birliklarini nima uchun xato ekanligini asoslab aytib 
berishlari talab etiladi. Oʻqituvchi ularning fikrini tinglab, javoblariga izoh berib 
borishi maqsadga muvofiq. 
Javob: 1-toʻgʻri, 2-toʻgʻri, 3-toʻgʻri, 4-notoʻgʻri, 5-notoʻgʻri, 6-toʻgʻri, 7- 
notoʻgʻri. 
Uyga vazifa. 
Yozma nutq. Matn yaratish. 
Televideniyeda faoliyat yuritadigan mutaxassislardan qaysi birining vazifasini 
bajarishni istaysiz? Bu kasblardan birini tanlab, fikrlaringizni quyidagi 
tartibdagi matn shaklida yozing. 
 
Bu topshiriq oʻquvchilarning mustaqil izlanishiga qaratilgan. Oʻquvchilar 
berilgan kasblardan birini tanlab, nima uchun uni tanlaganligini izohlab berishi 
lozim. Bunda oʻquvchilar har bir kasb haqida maʼlumotga ega boʻlishlari uchun 
darslik ortidagi lugʻatdan, ijtimoiy tarmoqlardan, kitob, gazeta-jurnallardagi 
maqollardan foydalanishi mumkinligi aytiladi. Soʻngra, toʻplagan maʼlumotlarini 
berilgan yoʻriqnoma asosida matn koʻrinishida yozishlari tushuntirib oʻtiladi.