Tema: Joqarı hám professional tálimde ana tili oqıtıw metodikası menen baylanıslı pánler, olardı tekseriw metodları

Joqarı hám orta arnawlı bilimlendiriwde ana tilin oqitiwdıń principleri hám tiykarları

Ana tilin oqıtıw metodikasınıń metodologiyalıq tiykarları barlıqtı biliw teoryası bolıp tabıladı.Bul pánniń bas wazıypası, oqıwshılardıń tili sózlik baylıǵın tolıq ózlestirip alıwın támiynleydi. Bizge belgili jámiyette til adamlar arasında qarım-qatnas quralı esaplanadı. Tildiń qarım-qatnas quralı sıpatında áhmiyeti úziliksiz artıp baradı. Til barlıqtı aqıl menen logikalıq biliw quralı. Til birlikler járdeminde ǵana biliw processinde ulıwmalastırıw, túsinikti sheshiw hám juwmaq penen baylanıstırıwdı ámelge asıradı. Til hám oylaw menen tıǵız baylanıslı. Tildi hám sóylewdi rawajlandırıw menen oqıwshınıń pikirlew qábileti de artıp baradı. Mekteptiń wazıypası tildi adamlar arasındaǵı múnásibetlerdiń rawajlanǵan quralı wazıypasına aylandırıw bolıp esaplanadı.
Metodikalıq pán sıpatında ana tilin oqıtıw metodikası baslawısh bilimlendiriw standart belgilep bergen wazıypalardı ámelge asıradı, yaǵnıy oylaw iskerligin keńeytedi, erkin pikirley alıw,óz pikirin awızeki hám jazba ráwishte anıq bayan ete alıw, jámiyet aǵzaları menen erkin qatnasta bola alıw kónlikpe hám uqıplılıqların rawajlandırıwǵa baylanıslı usıl hám metodlardı islep shıǵadı.
Biliw teoryasınan kóre analitikalıq-sintetikalıq usıllar járdeminde til ústinen baqlawda ulıwmalıq juwmaq shıǵarıwǵa,teoryalıq táriyp hám qaǵıydaǵa ámel etiwge úyretedi.
Didaktika grek tiliniń “didaktikos” degen sózinen bolıp onıń tiykarǵı mánisi “oqıtaman” degen mánini ańlatadı. Pedagogikanıń oqıtıw menen tálim-tárbiya beriw teoryasın iske asırıwdıń jolların belgileytuǵın bólimi bolıp esaplanadı. Didaktikalıq principler –oqıwshılarǵa beriletuǵın tálim-tárbiyanıń tiykarǵi mazmunı. Baslawısh klaslardıń barlıq pánlerinıń aldına qoyılatuǵın tiykarǵı didaktikalıq principler – oqıtıwdıń bilim, tárbiya beriw menen rawajlandırıp barıw usaǵan tiykarǵı xizmetinıń negizlerin belgilew. Oqıtıw , oqıw jumısların alıp barıwda, súyenetuǵın tirek didaktikalıq principler boladı. Ana tilin oqıtıwda, tárbiya beriwde rawajlandırıwda usı principlerge tiykarlanadı.
Ana tilin oqıtıw isi baslawısh klaslarda sheshiwshi orındi iyeleydi. Mektep turmısındaǵı ullı wazıypanı orınlawda sanalılıq, ilimdi tiyanaqlı iyelew aktiwlilik, ózgeshelik, kórsetpelilik, sistemaılıq, óz-ara baylanıslılıq, keleshek principlerine súyenip is alıp barıw zárúr.
Didaktika tálim-tárbiya islerinıń belgili bir sistemasın belgileydi. Oqıtıwda didaktikadan paydalana hám oǵan súyenip is alıp barıladı. Тálim principleri: