2. Qarsılas dizbekli qospa gáp
Qarsılaslıq q. b. dánekerleri:
1) biraq, lekin, sonda da, solay da, sóytse de, degen menen, al dánekerleri
|
2) tek, qalay da, átteń, bolmasa hám t.b. dánekerlik xızmettegi sózler
|
Biraq, lekin dánekerli dizbekli qospa gáp
|
Malları bos júr, lekin atı joq.
|
Bilmeymen, ózim de qanday da bir jaqsı nárselerdi kúseymen, biraq ne ekenin ózim de túsinbeymen.
|
Bul tábiyiy túrde den sawlıqtı buzıw qáwpin tuwdırmaydı, biraq qosımsha qıyınshılıqlar tuwdıradı.
|
Sonda da, solay bolsa, solay bolsa da, sóytse de dánekerli dizbekli qospa gáp.
|
Sonda da atalarınıń súyeneri joq, sonda da tas júreklik etkisi keledi.
Baxıt biraz sharshayın dedi, sonda da jumısın toqtatpadı.
|
Solay bolsa, solay bolsa da, sóytse de Sonda da sinonim: A’lbette, bir dizel qızıp ketedi, solay bolsa da onıń menen islep waqıttı utpasaq bolmaydı.
|
Degen menen, ne degen menen, qáytken menen, qaytama dánekerli dizbekli qospa gáp.
|
Hesh kim men bilemen demedi, qaytama quwanısıp, órre-órre turıp dalaǵa shıqtı.
|
Al, bolmasa dánekerli dizbekli qospa gáp.
|
Birew sezbes, al birew sezer.
|
Dayıń kórip qayt degen soń barıp edik, bolmasa qonaq jerimiz quwǵan joq.
|
Tek, qalay da, átteń kómekshi sózli d. q. gáp:
|
Tek: Apa, házir men qus bolıp ushqım keledi, tek qanatım joq-dá.
|
Qalay da, átteń dánekerlik xızmettegi sózler:
|
İshinde Nurımbet atam da bar edi, átteń ózi esitpey ketti. Onıń sózleri joldasıma jaqpadı, qalay da ol shıdap otırdı.
|
