Paleografiyalıq tekstlerge xat, hújjet, dóretiwshilik shıǵarmalardıń tekstleri kiredi.
Basqa tekstler qol jazba tekstlerdiń haqıyqıy kórinisi bolıp, olar ádebiy hám ilimiy tekstlerge bólinedi.
Kópshilik kommunikatsiyalıq tekstlerge radio, televidenie, gazeta, jurnallardaǵı kópshilikke arnalǵan waqıya hám qubılıslar haqqında sońǵı jańalıqlardı sáwlelendiretuǵın tekstler kiredi. Bul teksttiń quralları radio, televidenie, gazeta, jurnallar bolıp esaplanadı.
Punktuatsiya
Jazıw grafikalıq tańbalar arqalı ámelge asadı. Grafika álippe (alfavit), imla (orfografiya) irkilis belgileri (puntuaciya) qaǵıydalarınıń jıynaǵınan turadı. İrkilis belgileri de − shártli grafikalıq tańbalar.
Punktuatsiyalıq qádeler úsh printsipke tiykarlanadı: mánilik, grammatikalıq, intonaciyalıq.
Qaraqalpaq tilinde irkilis belgileri − 10: noqat, soraw belgi, úndew belgi, kóp noqat, noqatlı útir, útir, qos noqat, sızıqsha, qawıs, tırnaqsha.
Gáptiń aqırında keletuǵın irkilis belgileri: noqat, soraw belgisi, úndew belgisi.
Gáp ishinde keletuǵın irkilis belgileri: útir, noqatlı útir, kóp noqat, sızıqsha, qos noqat, tırnaqsha, qawıs.
İrkilis belgileriniń qabatlasıp jumsalıwı: soraw − úndew belgisi, soraw − kóp noqat, úndew − kóp noqat t.b.
Do'stlaringiz bilan baham: |
