Teoriyaliq materiallar 1-tema. Finanslıq analiz pániniń teoriyalıq tiykarları

Xojalıq subyektiniń iskerlik túrleri

Kárxana iskerligi	Ádettegi iskerligi	Ádettegi iskerlik tiykarǵı, finanslıq hám investiciyalıq iskerlikten ibarat
	Ayrıqsha jaǵdaydaǵı iskerligi	Ádettegi iskerlikten parqlı túrde turaqlı túrde tákirarlanbaytuǵın hám kózde tutılmaǵan iskerlik túri bolıp esaplanadı.
	Tiykarǵı iskerlik	Operaciya iskerligi – xojalıq júritiwshi subyekttiń dáramat keltiriwshi tiykarǵı iskerligi, sonday-aq subyekttiń investiciya hám finans iskerligine tiyisli bolmaǵan xojalıq iskerligi
Ádettegi iskerlik	Finanslıq iskerlik	Investiciya iskerligi – uzaq múddetli aktivler hám basqa investiciya obyektlerin satıp alıw hám satıw
	Investiciyalıq iskerlik	Finanslıq iskerlik – xojalıq júritiwshi subyekttiń iskerligi bolıp, onıń nátiyjesinde óz qarjısı hám qarız qarjılarınıń muǵdarı hám quramında ózgerisler júz beredi

Iskerlik túrlerine sáykes túrde analiz de operacion, investiciyalıq hám finanslıq iskerliktiń analizi túrlerine bólinedi.

Operacion analiz – xojalıq júritiwshi subyekttiń dáramat keltiriwshi tiykarǵı iskerligi, sonday-aq subyekttiń investiciya hám finans iskerligine tiyisli bolmaǵan basqa bir xojalıq iskerliginiń analizi.

Operacion analiz – xojalıq subyektiniń finanslıq nátiyjeleriniń islep shıǵarıw qárejetleri hám túsim kólemine baylanısınan ibarat analiz túri.

Investiciyalıq analiz – uzaq múddetli aktivler hám basqa investiciya obyektlerin satıp alıw hám satıwdıń analizi.

Investiciyalıq analiz investiciyalıq iskerlik, onıń nátiyjeliligi menen baylanıslı bolǵan analiz túri bolıp esaplanadı.

Finanslıq iskerliktiń analizi – xojalıq júritiwshi subyekttiń óz qarjısı hám qarız qarjılarınıń muǵdarı hám olar quramındaǵı ózgerisleri menen baylanıslı bolǵan analizi.