Teoriyaliq materiallar 1-tema. Finanslıq analiz pániniń teoriyalıq tiykarları

9.2. Ulıwma finanslıq nátiyjeler, olardıń quramı, dúzilisi hám kórsetkishlerdiń bir-biri menen baylanısı
Xojalıq subyektleriniń esabat dáwirindegi sap dáramatı yaki zıyanı tómendegi elementler tiykarında anıqlanadı:

• 
  xojalıqtıń ulıwma iskerliginen alınǵan dáramat yaki kórilgen zıyan;
  
• 
  ayrıqsha jaǵdaydaǵı dáramat (zıyan);
  
• 
  dáramat salıǵı tólengenge shekem ulıwma finanslıq nátiyje (payda yaki zıyan);
  
• 
  Sap payda.
  

Jalpı dáramat xojalıq júritiwshi subyekttiń tiykarǵı hám tiykarǵı bolmaǵan iskerliginen alınǵan dáramatlardı óz ishine aladı. Tiykarǵı iskerlikten dáramat ónim, jumıslar, xızmetler, tovar-materiallıq zapaslar, basqa aktivlerdi satıwdan, sonday-aq sıylıqlar, payızlar hám dividendler, gonorarlar hám xojalıq júritiwshi subyekttiń tiykarǵı iskerligine baylanıslı bolǵan rentadan alınıwı múmkin¹⁵.