Termiz agrotexnologiyalar va innovatsion rivojlanish instituti maxkamova nargiza ergashaliyevna moychechak o

Tadqiqotning ilmiy yangiligi. Respublikamiz sharoitida moychechak o’simligning asosiy zararkunandalarning tarqalishi, zarari, tur tarkibi, bioekologik xususiyatlari, so‘ruvchi turlarining rivojlanishning fenologiyasi va zararlanish darajalari aniqlangan;
moychechak o’simligining so‘ruvchi va kemiruvchi zararkunandalarning paydo bo‘lishini bashorat qilish va qarshi kurash tadbirlarini o‘z vaqtida o‘tkazish muddatlari aniqlangan;
moychechak o’simligining asosiy so‘ruvchi zararkunandalarga qarshi kurashning yuqori samara beruvchi biologik va kimyoviy usullari ishlab chiqilgan;
dorivor o’simlik uchun qulay, arzon va samarali, atrof-muhit va tabiiy entomofaglar uchun esa bezarar bo‘lgan kurash tizimi ishlab chiqilgan;
dorivor o’simliklarining so‘ruvchi va kemiruvchi zararkunandalardan himoya qilish tizimi ishlab chiqilgan.
Tadqiqotlarning nazariy va amaliy ahamiyati. Dorivor o’simlik zararkunandalarining mintaqalarda tarqalgan zararkunandalarini umumiy va asosiy turlarini aniqlash; o‘simlikni sanchib-so‘radigan zararkunandalarga qarshi kurash choralarini yaratish; Moychechak zararkunandalarining asosiy zararkunandalari trips, oq qanot, simqurtlar, o’rgimchakkana, shira, buzoqboshi qo’ng’zlarning biologik xususiyatlari, ularga qarshi kurash muddatlarini va samarali vositalar majmuini yaratish; Moychechak zararkunandalarini oralab yurib himoya ishlovini o‘tkazishni ta’minlaydigan o‘simlik ekib-o‘stirish texnologiyasini yaratish; Moychechak zararkunandalariga zarar keltiruvchi kapalak hasharotlarga qarshi oltinko’z, trixogramma, brakon entomofaglariga asoslangan biousulni sinab o‘rganish; asosiy zararkunandalarga qarshi zamonaviy insektitsidlarni sinab ko‘rib, ulardan samaralilarini tanlash.
Tadqiqot natijalarining e’lon qilinishi. Disssertasiya mavzusi yuzasidan O‘zbekiston Respublikasi Vazirlar Mahkamasi huzuridagi Oliy Attestatsiya komissiyasi tomonidan e’tirof etilgan nashrlarda 2 ta maqola nashr etilgan.
Dissertasiya tuzilishi va hajmi. Magistrlik dissertatsiya ishi tarkibi kirish, to’rtta bob, xulosalar, ishlab chiqarishga tavsiyalar, foydalanilgan adabiyotlar ro‘yxati va ilovalardan iborat. Dissertasiya hajmi 70 betni tashkil etadi.