Tibbiy bilim asoslari

O’tkir pankreatit kasalligida tibbiy yordam
Pankreatit – me`da osti bezi to‘qimasining yallig‘lanish kasalligidir.
Sababi. Ko‘pincha o‘t pufagi yallig‘lanishi, o‘t toshi kasalligi, jigarning surunkali kasalligi bo‘lgan odamlarda yuzaga keladi. Shuningdek, ichburug‘, sarg‘ayma, tepki kasalliklari mikroblari va viruslari ham qon orqali me`da osti bezi to‘qimasining yallig‘lanishiga sabab bo‘lishi mumkin Bemor tez-tez qusadi, terisi, lablari quruqlashadi. Tekshiruvchi qo‘lini kafti va barmoqlari bilan qorinni paypaslaydi. Bemor aytishicha og`riq kuchli bo`ladi. Agar bir vaqtning o‘zida xoletsistit, o‘t-tosh kasalligi ham bo‘lsa, paypaslaganda o‘ng qovurg‘a ostida kuchli og‘riq seziladi. Bemor siydigini amaliyda analiz qilinsa, diastaza fermenti ko‘paygan bo‘ladi (normada 64 yed bo‘lishi kerak), pankeratitda ko‘payadi. Kasallik og‘ir kechganda aksincha diastaza normaga nisbatan kamayadi.
Pankeratit, xoletsistit, o‘t-tosh kasalliklarining belgilari va tibbiy yordam bir-biriga juda o`xshash.
Tibbiy yordam.
1. Bemorni to‘shakka chalqancha vaziyatda yotqiziladi.
2. 3-4 kun ovqat berilmaydi, faqat qaynatilgan suv, mineral suv ichiriladi, so‘ngra shirguruch, yog‘siz mastava va yog‘siz sho‘rva, kartoshka, sabzi ezib yediriladi, kefir beriladi;
3. Glyukoza 5% - 300-500 ml, trazilol 25000-500000 me natriy xlor 0,9 %-100-200 ml, prednizolol 30-60 ml vena tomiriga tomchi usulida yuboriladi. Shuningdek, reopoliglyukin (dimedrol), gemodez 200-300 ml vena tomiriga tomchi usulida yuboriladi.
4. Platifillin 0,1 %-1 ml, no-shpa mushak orasiga 1-2 ml, yoki tabletka kontrinal 10000-20000 TB, gordoks-50000-200000 TB natriy xloridning 0,9 % eritmasiga qo`shib yuboriladi.


8-AMALIY MASHG’ULOT


Siydik-tanosil a`zolari kasalliklarida tibbiy yordam.
Mashg`ulotning maqsadi:
1. Nefrit, piyelonefrit, sistit va uretrit kasalliklar, buyrak va siydik chiqarish a`zolarining qisqacha anatomiya va fiziologiyasi bilan tanishtirish.
2. Amaliy mashg`ulotni bajarish.
3. Mavzuga taalluqli jadvallar, tablitsa, plakat, rasmlar, asbob-uskunalar, jihozlarni ko`rsatib tushuntirish.