Тиллаходжа хайдарович абдуходжаев, фанил фаридович загрутдинов, дилбархон файзирахмановна болтабаева

 
Таъсири узайтирилган таблеткалар: депо-таблетка (tabuletta-depo), лонг-таблетка 
(tabuletta-long) ёки ретард-таблетка (tabuletta-retard) деб аталади. Ушбу атамалар дори 
шаклига ёки дори препаратининг номига кўшилади. Бундай таблеткаларни сўриш, бўлиш, 
сувда эритиш мумкин эмас. Бундай таблеткаларга рецепт Tab. сўзидан бошланади. 
Мисол: 20 мг нитросорбид (Isosorb retard, Isosorbide dinitrate) сақловчи 10 та изосорб 
ретард таблетка. Кунига 1 мартадан ичишга буюрилсин. ЎДМ 20 мг. 
Rp.: Tab. Isosorb retard 0,02
(Isosorbide dinitrate) 
D.t.d. N. 10
S. 1 таблеткадан кунига 1 марта ичиш учун. 
ёки 
 
Rp.: Tab. Isosorb retard 0,02 N. 10
(Isosorbide dinitrate) 
D.S. 1 таблеткадан кунига 1 марта ичиш учун. 
Агар таблеткалар ретард-таблетка ҳолида чиқарилса, бундай таблеткаларга рецепт 
дорининг номлари, миқдори ва нечталигидан кейин in tab.-retard сўзи ёзилади. 
Мисол: 35 мг триметазидин (Trimetazidine, Trimetazidine) сақловчи 10 та ретард 
таблетка. Кунига 1 марта ичиш учун буюрилсин. ЎДМ 35 мг. 
Rp.: Trimetazidine 0,035
(Trimetazidine) 
D.t.d. N. 10 in tab.-retard 
S. 1 таблеткадан кунига 1 марта ичиш учун. 
 
 
Драже - Dragee 
(Драже – бош келишик бирликда Dragee,  қаратқич келишик бирликда Dragee)

---

20 
Драже - ичишга мўлжалланган, миқдорланган қаттиқ дори шакли. Драже – 
французча «ширин конфет» маъносини билдиради. Дражелар заводларда мураккаб 
ускуналар ёрдамида гранулаларни кўп маротаба юпқа қаватлар билан қоплаш (дражелаш) 
йўли билан тайёрланади. Ёрдамчи моддалар сифатида шакар, крахмал, буғдой уни, какао, 
шоколад, озиқавий бўёқлар ишлатилади. Драженинг вазни 1 грдан ошмаслиги керак. Ичиш 
учун таблеткаларга нисбатан осон ютилади ва ширин таъм келиб туради. Дражелар 
ёруғликдан сақлайдиган идишларда чиқарилади. 
Дражеларга рецепт фақат драже сўзидан бошланиб, кейин дорининг номи, миқдори, 
драже сони (D.t.d. N….) ва синатура кўрсатилади. Рецепт қуйидаги кўринишдаларда бўлиши 
мумкин. 
Мисол: 3300 ХБ ретинол ацетати (Retinoli acetas, Retinol) сақловчи 50 та драже. 1 
дражедан кунига 1 маҳал ичиш учун буюрилсин. 
Rp.: Dragee Retinoli acetatis 3300 ХБ 
(Retinol) 
D.t.d. N. 50 
S. 1 дражедан кунига 1 маҳал ичиш учун. 
ёки 
Rp.: Dragee Retinoli acetatis 3300 ХБ N. 50 
(Retinol) 
D.S. 1 дражедан кунига 1 маҳал ичиш учун. 
Дорининг таъсирини узайтириш мақсадида, баъзи дорилар митти (микро)драже 
ҳолида чиқарилади. Дори сақлаган майда гранулаларни юпқа ҳимояловчи плёнка билан 
қопланади (қават-қават қилиб сингдирилади). Митти дражелардан таблетка ва спансулалар 
тайёрланади. 
Таркиби мураккаб бўлиб, махсус номли дражеларга рецепт ҳам драже сўзидан 
бошланиб, драженинг махсус номи турланмасдан ёзилиб, драже сони кўрсатилади. 
Мисол: Ундевит (Undevitum, Comb. drug (Vitamins)) дражесидан 50 та. Кунига 1 
маҳал овқатланишдан кейин ичиш учун буюрилсин, ЎДМ 1 та драже. 
Rp.: Dragee Undevitum N. 50 
(Comb. drug) 
D.S. 1 дражедан кунига 1 маҳал
овқатланишдан кейин ичиш учун.