Tilshunoslik
Download 1.99 Mb. Pdf ko'rish
|
Tilshunoslik nazariyasi
Mas’ul muharrir:
Ibodulla Mirzayev – filologiya fanlari doktori, professor Taqrizchilar: Ne‘mat Turniyozov – filologiya fanlari doktori, professor Jo‘liboy Eltazarov – filologiya fanlari doktori, professor Azamat Pardayev –filologiya fanlari doktori ISBN 978-9943-6998-0-9 © Abdurayim Turobov, 2022 © “Samarqand davlat chet tillar instituti” nashriyoti, 2022 3 SO‘ZBOSHI Mazkur darslik oliy o‘quv yurtlarining o‘zbek tili va adabiyoti fakulteti, 5120100 – filologiya va tillarni o‘qitish bakalavriat ta’lim yo‘nalishi, 1-kurs talabalari uchun “Tilshunoslik nazariyasi” kursi dasturi asosida yaratildi. Darslikda tilshunoslik nazariyasiga oid boshlang‘ich masalalar yoritildi. So‘nggi yillarda oliy va o‘rta maxsus o‘quv yurtlari filologiya yo‘nalishida tilshunoslik nazariyasini o‘qish- o‘rganish, o‘qitish ishlari qizg‘in tus oldi. Darslik Alisher Navoiy nomidagi Toshkent davlat o‘zbek tili va adabiyoti universitetida ishlab chiqilgan fan dasturiga qat’iy amal qilingan holda tayyorlanib, unga quyidagi mavzular kiritildi: “Tilshunoslik nazariyasi fanining maqsadi, vazifalari”, “Tilning ijtimoiy tabiati”, “Til va tafakkur”, “Til – tafakkur – nutq munosabati”, “Til – ramzlar tizimi”, “Tillarning shakllanishi va taraqqiy qilishi”, “Dunyo tillari va ularning tasnifi”. Tilshunoslik tarixi tilning jamiyatdagi o‘rni, tilning paydo bo‘lishi va taraqqiyoti haqidagi turli xil qarashlarni, nazariyalarni tekshiradi. Tilshunoslik nazariyalari ko‘proq umumiy tilshunoslikka asoslangani uchun ayrim bir til haqidagi nazariyalar haqida to‘xtalmasdan, balki umumiy tilshunoslik hajmidagi nazariyalarni o‘rganadi. Talabalarning tilshunoslik nazariyasini o‘zlashtirishi oson bo‘lishi uchun ayrim o‘rinlarda tilshunoslik nazariyasini jahon tillari grammatik tipologiyasiga solishtirishga harakat qilindi. Jahon tillarining fonetik, morfologik, sintaktik tizimidagi ayrim grammatik hodisalar barcha tilda ham mavjud. Lekin bu hodisalar ifodalanishi, ma’nosi va boshqa xususiyatlari bilan o‘ziga xos jihatlarga ega. Shuningdek, grammatik kategoriya sifatida mavjud holatlarni yoritishga va bu o‘ziga xoslikning sababini ochishga 4 ham alohida e’tibor qaratildi. Darslikda tilshunoslik nazariyasi fanining maqsadi, vazifalari, tilning ijtimoiy tabiati, til va tafakkur, til – tafakkur – nutq munosabati, til – ramzlar tizimi, tillarning shakllanishi va taraqqiy qilishi, dunyo tillari va ularning tasnifi va boshqa muammolarga ham o‘rin ajratildi. Mazkur darslik turli yillar davomida 1-kurslarda o‘qilgan ma’ruzalar, kuzatilgan, o‘rganilgan, qo‘llanilgan tajribalardan kelib chiqib yaratildi. Darslikda har bir mavzuga tegishli bo‘lgan adabiyotlar muallifi, chop etilgan sana va beti matn ichida qavsga olib berildi. Negaki, qiziqqan o‘quvchi manbaga murojaat qilib, bu boradagi bilimini yanada kengaytirish imkoni bo‘ladi. Darslikda materiallar o‘ziga xos tarzda uzviy bog‘liqlikda va ketma-ketlikda berildi. Darslikdagi test savollari talabalarning mustaqil bilimini oshirishga va mustahkamlashga yordam beradi. Har bir mavzuga oid rejalar tuzildi, tayanch so‘z va iboralar belgilandi hamda nazariy masalalar ana shu rejalar asosida, tayanch so‘z va iboralar negizida yoritildi. Har bir mavzudan keyin talabalarning o‘zlashtirish darajasini aniqlash uchun nazorat savollari, fanning namunaviy o‘quv dasturi talablariga asoslangan holda mustaqil ish mavzulari va ularga doir savol hamda topshiriqlar, ularni bajarish yuzasidan tavsiyalar berildi. Shuningdek, darslikdagi test savollari talabalarning mustaqil bilimini oshirishiga va mustahkamlashga yordam beradi. Tayanch so‘z va atamalarning o‘zbek, rus va ingliz tilidagi nomlanishi berildi. Bu o‘quvchilarni jahon tilshunosligidagi terminlarning nomlanishidan boxabar qiladi. Darslikni nazariy va amaliy jihatdan takomillashtirish, mukammallashtirishga oid fikr va mulohazalarni muallif minnatdorchilik bilan qabul qiladi. Download 1.99 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling