Tir convention Uzbekistan

3-modda 
Mazkur Konvensiyaning qoidalari quyidagi shartlarda qo‘llaniladi: 
a) tashishlar amalga oshiriladi 
i) III a)-bobda ko‘rsatilgan shartlarga rioya qilgan holda tashishga oldindan 
ruxsat etilgan yo‘l transport vositalarida, transport vositalari tarkiblarida yoki 
konteynerlarda, yoki  
ii) III s)-bobda ko‘rsatilgan shartlarga rioya qilgan holda boshqa yo‘l transport 
vositalarida, transport vositalari tarkiblarida yoki konteynerlarda, yoki  

---

iii) eksport qilinadigan va shu tarzda III s)-bobda ko‘rsatilgan shartlarga 
rioya qilib o‘zlari jo‘natish joyidan belgilangan joy bojxonasigacha o‘zi yurib 
boradigan yuk hisoblangan, avtobuslar, kranlar, terim mashinalari, beton 
yotqizuvchilar va h.k. kabi yo‘l transport vositalarida yoki maxsus maqsadli 
transport vositalarida. Bunday transport vositalari boshqa yuklarni tashigan 
holatlarda tegishli ravishda, yuqoridagi i) yoki ii) kichik bandlarda bayon etilgan 
shartlar qo‘llaniladi. 
3 a)- moddaga tushuntirish xati 
0.3 a) iii) 3 a) iii)- moddaning Qoidalari o‘z yo‘nalishida ketayotgan yengil 
avtomobillarni (GS 8703 kodi) qamrab olmaydi. Biroq , XYT tartibini qo‘llab 
yengil avtomobillarni tashishga faqatgina ular 3 moddaning a) i) va a) ii) kichik 
bandlarida eslatib o‘tilgan boshqa transport vositalarida tashilganida ruxsat 
beriladi.
(ECE/TRANS/17/Amend. 28bis, 2009 yil 1 oktabrda kuchga kirgan) 
b) 
tashishlar 6-moddaning qoidalariga muvofiq e’tirof etilgan birlashmalar 
bilan kafolatlanadi va ular mazkur Konvensiyaning 1 ilovasida keltirilgan 
namunaga muvofiq bo‘lgan XYT kitobchasini qo‘llab amalga oshirilishi 
kerak. 
(ECE/TRANS/17/Amend.22, 2002 yil 12 mayda kuchga kirgan) 
3-moddaga sharhlar 
Og‘ir vaznli yoki katta hajmli yuklar sifatida ko‘riladigan yo‘l transport vositalari  
Agar o‘zi og‘ir vaznli yoki katta hajmli hisoblangan yo‘l transport vositalarida yoki 
maxsus maqsadli transport vositalarida boshqa og‘ir vaznli yoki katta hajmli yuklar 
tashilsa va, natijada, ham transport vositalari, ham yuklar bir vaqtning o‘zida 
Konvensiyaning III s) bobida ko‘rsatilgan shartlarga javob bersa, unda muqovasida va 
barcha yirtma varaqalarida Konvensiyaning 32-moddasida nazarda tutilgan yozuvlar 
tushirilgan faqatgina bitta XYT kitobchasi talab etiladi. Agar bunday transport vositalarida 
oddiy yuklar yuk bo‘linmasida yoki konteynerlarda tashilsa, unda transport vositasi yoki 
konteynerlarga III a)-bobda ko‘rsatilgan shartlarga rioya qilgan holda oldindan ruxsat 
berilishi kerak, va yuk bo‘linmasi yoki konteynerlar muhrlanib, plombalanishi kerak. 
Konvensiyaning 3-moddasi a) bandi iii) kichik bandining qoidalari yo‘l transport 
vositalari yoki maxsus maqsadli transport vositalari jo‘natish joyi bojxonasi joylashgan 
mamlakatdan olib chiqilgan va belgilangan joyning bojxonasi joylashgan mamlakatga olib 
kirilgan holatda qo‘llaniladi. Shu bilan birga, Konvensiyaning yo‘l transport vositasini 
vaqtinchalik olib kirishga taalluqli bo‘lgan 15-moddasining qoidalari qo‘llanilmaydi.
Shuning uchun bunday transport vositalarini vaqtinchalik olib kirishga bojxona hujjatlari 
talab etilmaydi. 
(TRANS/WP.30/AC.2/65, 39 va 40-bandlar va 2-ilova; 
TRANS/WP.30/AC.2/59, 61 va 62-bandlar va 6-ilova; TRANS/WP.30/200, 72 
band) 
XYT tartibi va pochta jo‘natmalari 
Bojxona tartiblarini soddalashtirish va kelishish to‘g‘risidagi Xalqaro konvensiyaga 
(qayta ko‘rib chiqilgan Kioto konvensiyasi) bo‘lgan maxsus J-ilovaning 2-bobiga muvofiq 
tranzit pochta jo‘natmalariga bojxona rasmiylashtiruvlari qo‘llanilmaydi. Shuning uchun, 

---

Jahon pochta ittifoqining amaldagi hujjatlariga muvofiq xatlar va banderollar nazarda 
tutiladigan pochta jo‘natmalariga, ular pochta xizmatlari orqali yoki pochta ehtiyojlari 
uchun tashiladiganda XYT tartibi qo‘llanilmaydi. 
(TIRExB/REP/2007/34, 17-band; ECE/TRANS/WP.30/AC.2/95, 28-band; 
ECE/TRANS/WP.30/AC.2/95/ Corr.2)