Суяк пардаси остига анестетик эритмани киритиш йўли билан бажариладиган инфильтрацион (субпериостал) анестезия усулида узунлиги 30 мм ошмаган ингичка нина (карпул тизимидаги ИС—03 инъектори) операция мўлжалланаётган тишнинг илдиз учи проекциясида, альвеоляр ўсиқнинг ташқи томонидан, унинг юзасига тахминан 45° остида ўтувчи бурмага санчилади. Шиллиқ қават остига 0,12 мл анестетик юборилгач, суяк усти пардаси тешиб ўтилади ва 0,12—0,24 мл ультракаин (махсус дозатор ёрдамида) юборилади. Оддий инъекция ниналари билан бажариладиган бундай анестезия ўта оғриқ билан кечганлиги сабабли тавсия қилинмайди. Анестетик таъсири 30 секунддан сўнг бошланади ва 20—30 мин давом этади. - Суяк пардаси остига анестетик эритмани киритиш йўли билан бажариладиган инфильтрацион (субпериостал) анестезия усулида узунлиги 30 мм ошмаган ингичка нина (карпул тизимидаги ИС—03 инъектори) операция мўлжалланаётган тишнинг илдиз учи проекциясида, альвеоляр ўсиқнинг ташқи томонидан, унинг юзасига тахминан 45° остида ўтувчи бурмага санчилади. Шиллиқ қават остига 0,12 мл анестетик юборилгач, суяк усти пардаси тешиб ўтилади ва 0,12—0,24 мл ультракаин (махсус дозатор ёрдамида) юборилади. Оддий инъекция ниналари билан бажариладиган бундай анестезия ўта оғриқ билан кечганлиги сабабли тавсия қилинмайди. Анестетик таъсири 30 секунддан сўнг бошланади ва 20—30 мин давом этади.
Ўтказувчан оғриқсизлантириш. - Ўтказувчан оғриқсизлантириш, маҳаллий оғриқсизлантиришнинг бир тури бўлиб, бунда анестетик эритма операция майдонидан бир мунча узоқликдаги тўқима ичига киритилиб, шу операция ўтказилаётган соҳани иннервация қилувчи нервнинг асосий танасини ёки унинг бирон-бир шохини блокада қилади.
- Бу усулда анестетик эритма оғриқсизланти-рилаётган нерв танаси ёки унинг шохи толалари атрофидаги тўқима ичига юборилади. Анестетик шу нерв ичига диффузия йўли билан кириб бориб, шу жойда сезги импульсларининг перифериядан марказий нерв системаси томон ўтишини тўхтатади.
Do'stlaringiz bilan baham: |
