Tizimini yanada takomillashtirish va samaradorligini oshirish

6-bob. Investitsiya dasturining axborot ta’minoti 
24. Investitsiya dasturining axborot ta’minotini shakllantirish va yuritish ishlari Investitsiya 
dasturiga kiritilgan kapital qurilish obyektlari, ko‘chmas mulk obyektlari, investitsiya loyihalari 
hamda ularga kiritilgan o‘zgartirishlar va qo‘shimchalar haqidagi ma’lumotlarni kiritish yo‘li bilan 
amalga oshiriladi. 
25. Axborot ta’minotini shakllantirish va yuritishda davlat sirini tashkil qiluvchi 
ma’lumotlar bilan ishlash O‘zbekiston Respublikasining “Davlat sirlarini saqlash to‘g‘risida”gi 
Qonuni
 talablariga rioya qilingan holda amalga oshiriladi. 
26. Axborot ta’minoti resursiga kiritilgan, davlat siri hisoblanmagan ma’lumotlar 
Investitsiyalar, sanoat va savdo vazirligining rasmiy veb-saytiga joylashtiriladi. 
27. Axborot ta’minoti resursiga kiritilgan, davlat sirini tashkil qiluvchi ma’lumotlarni taqdim 
etish ishlari mansabdor shaxslari shunday axborotdan foydalanish uchun tegishli vakolati bo‘lgan 
organlar va tashkilotlarning so‘rovlari bo‘yicha amalga oshiriladi. 
7-bob. Investitsiyadan keyingi monitoringni amalga oshirish tartibi 
28. Investitsiya dasturi doirasida ishga tushirilgan obyektlarni monitoring qilish ishlari 
“investitsiya loyihalarini amalga oshirilishini nazorat va monitoring qilish” avtomatlashtirilgan 
axborot tizimi yordamida amalga oshiriladi. 
Axborot tizimida investitsiyadan keyingi monitoringni ko‘zda tutuvchi funksional 
imkoniyatlar yaratilgunga qadar ishga tushirilgan obyektlar Investitsiyalar, sanoat va savdo vazirligi 
tomonidan tegishli davlat boshqaruvi organlari, tashkilotlar, xo‘jalik birlashmalari hamda 
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan 
birgalikda ishchi guruhlar tashkil qilgan holda joylarga chiqib, o‘rganish orqali amalga oshiriladi. 
29. Ishchi guruhlar ishlab chiqarish quvvatlarining ishga tushirilganligi to‘g‘risidagi 
dalolatnomalar asosida o‘rganish olib boradi, o‘rganish natijasida yagona bazani hamda past 

---

quvvatda ishlayotgan korxonalar va chetlanishlar bo‘lgan mavjud korxonalar ro‘yxatini 
shakllantiradi. 
30. Ishchi guruhlar ishga tushirilgan korxonalar bo‘yicha ishlab chiqarish ko‘rsatkichlarini 
(ma’lumotlarni), statistika organlari ma’lumotlari hamda boshqa turdagi ma’lumotlarni loyihalarning 
biznes rejalari, tasdiqlangan texnik-iqtisodiy asoslar yoki texnik-iqtisodiy hisob-kitobda ko‘zda 
tutilgan ko‘rsatkichlar bilan taqqoslab, nomuvofiqliklarni hamda obyektlardagi muammolarni 
aniqlaydi. 
31. Ishchi guruhlar o‘rganish natijasida tayyorlangan ma’lumotlarni mohiyati, yo‘nalishi va 
tegishliligi bo‘yicha umumlashtirib, guruhlarga ajratib, mavjud holat va muammolarni aniq yoritgan 
holda Investitsiyalar, sanoat va savdo vazirligiga kiritadi. 
32. Investitsiyalar, sanoat va savdo vazirligi bir hafta muddatda kelib tushgan ma’lumotlar 
jamlanmasini tegishli vazirliklar va idoralar bilan kelishgan holda, mavjud tizimli va yakka holdagi 
muammolar bo‘yicha, past quvvatlarda ishlayotgan korxonalarda ishlab chiqarishni to‘liq quvvatga 
yetkazish bo‘yicha yechimlarni ko‘zda tutuvchi tegishli chora-tadbirlar rejasini ishlab chiqib, 
O‘zbekiston Respublikasi Tashqi savdo, investitsiyalar, mahalliy sanoatni rivojlantirish va texnik 
jihatdan tartibga solish masalalar bo‘yicha Hukumat komissiyasiga (keyingi o‘rinlarda — Hukumat 
komissiyasi) tasdiqlash uchun kiritadi. 
33. Tegishli davlat boshqaruvi organlari, tashkilotlar, xo‘jalik birlashmalari hamda 
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari 
tasdiqlangan chora-tadbirlarning ijrosini ta’minlaydi. 
34. Investitsiyalar, sanoat va savdo vazirligi tasdiqlangan chora-tadbirlar rejasining ijrosi 
bo‘yicha tizimli monitoring olib boradi va Hukumat komissiyasiga ma’lumotlarni kiritib boradi.