Ўтмишга назар

 
1.Dolzarbligi: 
Sovet davlatining deportasiya siyosati va ushbu siyosatning millatlararo munosabatlarga 
ta’siri borasidagi mavzularda dunyoning bir qator oliy o‘quv yurtlari va ilmiy markazlarida 
izlanishlar olib borilmoqda. Jumladan, tushuncha va terminlarni tahlil qilish orqali sovet davlati 
milliy siyosati o‘rganilishining nazariy-metodologik asoslarini tizimlashtirish, millatlararo 
munosabatlarning ijtimoiy-falsafiy jihatlari, sovet davlati milliy siyosatining mohiyati, sovet 
davlatining xalqlar va millatlarga nisbatan qo‘llagan deportasiyaning sabablari, fojiali oqibatlari, 
etnik mojaro va to‘qnashuvlarni shakllantiruvchi omillar, mesxeti turklarining xalq sifatida 
shakllanishiga, milliy o‘zligini anglashiga ta’sir etgan omillar ilmiy-nazariy jihatdan tadqiq 
etilmoqda.
Mustaqillikning dastlabki yillaridan boshlab O‘zbekistonda millatlararo munosabatlarni 
takomillashtirish, bag‘rikenglik va insonparvarlik madaniyatini rivojlantirish, barcha fuqarolarning, 
millati va dinidan qat’iy nazar, teng huquqlilik imkoniyatlarini yaratish, yosh avlodni milliy va 
umuminsoniy qadriyatlarga hurmat ruhida tarbiyalash ishlarini yanada yuksaltirish masalalariga 
alohida e’tibor qaratildi. O‘zbekistonda yashab kelayotgan barcha millat va etnik diasporalarning 
tarixi, madaniyati, ma’naviy qadriyatlari, milliy an’analari va urf-odatlarini saqlash hamda 
rivojlantirish, ularga hurmat bilan qarash, millatlararo munosabatlarni uyg‘unlashtirish kabi 
vazifalarning dolzarbligini oshirdi. Shunday masalalarga XX asrning 30-50 yillarida Sovet 
hukumatining olib borgan deportasiya siyosati va uning oqibatlarini tahlil etish masalasi ham 
aloqador. Bu davr tarixining ayrim masalalarini ochib berish bugungi kunda ham dolzarb 
masalalardan biri hisoblanadi.
2. Metodlar va o‘rganilganlik darajasi: 

---